პრეზიდენტი: მოგიწოდებთ ყველა მოქალაქეს, იყოთ აქტიური და წვლილი შეიტანოთ დემოკრატიის გაღრმავებაში

2017-10-19 18:21:53, 1916 ნახვა

კომენტარი

საქართველოს პრეზიდენტმა გიორგი მარგველაშვილმა მოსახლეობას 21 ოქტომბერს, არჩევნებში მონაწილეობისკენ მოუწოდა.

როგორც პრეზიდენტმა აღნიშნა, არჩევნებში აქტიურობა დემოკრატიისკენ გადადგმული ნაბიჯი იქნება.

"სულ 2 დღეში დიდი გამოწვევის წინაშე ვიქნებით. სულ 2 დღეში ჩვენ საქართველოს მოქალაქეებს გვაქვს შესაძლებლობა კიდევ ერთი მნიშვნელოვანი ნაბიჯები გადავდგათ ჩვენი უფლებების გასაღრმავებლად. გავაძლიეროთ ქართული დემოკრატია. ეს არის ადგილობრივი თვითმმართველობის არჩევნები. მოგიწოდებთ ყველა მოქალაქეს იყოთ აქტიური, მიხვიდეთ საარჩევნო უბნებზე, მოიხადოთ თქვენი მოქალაქეობრივი ვალი და წვლილი შეიტანოთ დემოკრატიის გაღრმავებაში. თქვენი ქალაქებიდან, რაიონებიდან, სოფლებიდან მონაწილეობა მიიღოთ ხელისუფლების ჩამოყალიბების პროცესში. ნაბიჯი გადადგათ უფრო გაღრმავებული დემოკრატიისკენ", - განაცხადა მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები