უკრაინის გენერალური პროკურორის იური ლუცენკოს განცხადებით, ხელისუფლება ყველაფერს გააკეთებს, რათა უმაღლეს რადასთან მომიტინგეების უსაფრთხოება უზრუნველყოს, - ამის შესახებ გენერალური პროკურორი Facebook-ის საკუთარ გვერდზე წერს.

როგორც ლუცენკომ აღნიშნა, მომიტინგეების მიერ გაშლილი კარვების აღებას არავინ აპირებს.

"მშვიდობიანი საპროტესტო აქციის ჩატარების უფლება - მაიდანის ერთ-ერთი მთავარი მიღწევაა. ხელისუფლება მოთმინებით ასრულებს ყველაფერს, იმისათვის, რომ კონსტიტუციის ეს ნორმა შეასრულოს. ზუსტად ვიცი და თავის დროზე ამას დავამტკიცებ კიდევაც, რომ აქციის ორგანიზატორების ნაწილმა ფსონი პროვოკაციებზე დადო. სპეცსამსახურებს ჰქონდათ ინფორმაცია და დადგინდა, რომ მომიტინგეებს შორის მყოფმა არაკანონიერი ფორმირებების წევრებმა იარაღი შეისყიდეს. სწორედ ამით იყო განპირობებული შინაგან საქმეთა სამინისტროს მიერ უსაფრთხოების ზომების გაძლიერება. მათი მოვალეობაა დაიცვან მომიტინგეები, კიევიც და ქვეყანაც. კარვების დაშლას ადგილი არ ექნება. თუმცა პროვოკაციების თავიდან ასაცილებლად და მომიტინგეების უსაფრთხოების მიზნით, ტერიტორიაზე შესვლა სპეციალური მეტალოდეტექტორის გავლით იქნება შესაძლებელი. ქვეყანაში ნებისმიერი სახის ცვლილებებისთვის საჭიროა პოლიტიკური დიალოგი. ძალადობა ქვეყანას დაღუპავს", - წერს იური ლუცენკო.

ცნობისთვის, გუშინ უმაღლეს რადასთან საქართველოს მესამე პრეზიდენტის მიხეილ სააკაშვილის მიერ ორგანიზებული საპროტესტო აქცია გაიმართა. აქციაზე მოქალაქეებსა და სამართალდამცველებს შორის დაპირისპირება მოხდა, რის შედეგადაც 4 ადამიანი დაშავდა. ადგილზე სულ 3 500 პოლიციელი იყო მობილიზებული. ოპოზიციური პარტიები და მათ მხარდამჭერები სადეპუტატო იმუნიტეტის მოხსნას, ანტიკორუფციული სასამართლოს შექმნას და საარჩევნო კანონმდებლობის შეცვლას ითხოვდნენ. მოგვიანებით მომიტინგეებმა ტერიტორიაზე კარვები გაშალეს. დღეს ადგილზე 200-მდე მომიტინგე იმყოფება.

ავტორი: ,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა