„ჩვენ დღეს მივიღეთ ძალიან დახვეწილი დოკუმენტი", - ამის შესახებ პარლამენტის თავმდჯომარე ირაკლი კობახიძემ სხდომის დასრულების შემდეგ განაცხადა. 

როგორც კობახიძემ აღნიშნა, საქართველოში მუდმივად პრობლემა იყო კონსტიტუციის გაუმართაობა.

"მოქმედ კონსტიტუციაზეც ეს შეიძლება ითქვას. ჩვენ ძალიან დაუხვეწავი დოკუმენტი შევცვალეთ ძალიან დახვეწილი კონსტიტუციით, რომლითაც,  როგორც ვენეციის კომისიამ და სხვა საერთაშორისო ავტორიტეტულმა ორგანიზაციებმა აღნიშნეს, ყალიბდება ძალიან დახვეწილი ევროპული ტიპის საპარლამენტო მმართველობის სისტემა. ეს არის ნამდვილად ძალიან დიდი მიღწევა, ეს არის ისტორიული გადაწყვეტილება. ეს იყო ამომრჩევლისთვის მიცემული დაპირება ჩვენი მხრიდან და ჩვენ ეს დანაპირები პირნათლად შევასრულეთ. ჩვენ ვტოვებთ ძალიან დახვეწილ კონსტიტუციას, რომელიც ძალიან დიდი ხნის განმავლობაში უზრუნველყოფს ჩვენი ქვეყნის დემოკრატიულ განვითარებას. 
როგორც კი მოეწერება ხელი დოკუმენტს, მაშინვე მოხდება იმ საკითხების ინიცირება, რომელიც აისახა ვენეციის კომისიის ბოლო დასკვნაში. ეს მოხდება უახლოესი დღეების განმავლობაში, მას შემდეგ, რაც ხელი მოეწერება დოკუმენტს",- განაცხადა ირაკლი კობახიძემ.

ავტორი: ,

სოციალური ქსელები

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო

კალაძე აშშ-ის საელჩოს განცხადებაზე: სიტყვისა და გამოხატვის თავისუფლება არ ნიშნავს გინებას და შეურაცხყოფის მიყენებას