წულუკიანი: ლადო ჭანტურია ტოლს არ დაუდებს სტრასბურგის სასამართლოს ნებისმიერი ქვეყნის მოქმედ მოსამართლეს

2017-10-11 12:20:28, 1918 ნახვა

კომენტარი

საქართველოს იუსტიციის მინისტრი თეა წულუკიანი საზოგადოებას სტრასბურგის სასამართლოს მოსამართლეობის პროცედურის წარმატებით დასრულებას ულოცავს.

მისი თქმით, საქართველოს ჰყავს ევროპულად მოაზროვნე, პროფესორი, დოქტორი და სამართალმცოდნე, „რომელიც ტოლს არ დაუდებს სტრასბურგის სასამართლოს ნებისმიერი სხვა ქვეყნის მოქმედ მოსამართლეს”.

„გუშინ, ლადო ჭანტურია ევროსაბჭოს საპარლამენტო ასამბლეის მიერ აბსოლუტური უმრავლესობით ხმებისა იქნა არჩეული საქართველოდან ევროპული სასამართლოს მოსამართლედ. მან 179 ხმიდან დააგროვა 120 ხმა, რაც საკმარისი აღმოჩნდა იმისთვის, რომ მეორე ტური არ გამართულიყო. ამით დაახლოებით 2 წლიანი რთული პროცესი, მათ შორის ჩემთვისაც, როგორც კომისიის თავმჯდომარისთვის, დასრულდა. დასრულდა წარმატებით, გამარჯვებით, რადგან საქართველოს ჰყავს ევროპულად მოაზროვნე, პროფესორი, დოქტორი და სამართალმცოდნე, რომელიც ტოლს არ დაუდებს სტრასბურგის სასამართლოს ნებისმიერი სხვა ქვეყნის მოქმედ მოსამართლეს, რაც ქვეყნის პრესტიჟისთვის ძალიან მნიშვნელოვანია”,-აღნიშნა თეა წულუკიანმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები