ფსიქიკური ჯანმრთელობის მსოფლიო დღესთან დაკავშირებით ორგანიზებულ ფსიქიატრიის სტაციონარის პაციენტების ნამუშევრების გამოფენა-გაყიდვას შრომის, ჯანმრთელობისა და სოციალური დაცვის მინისტრის მოადგილე ზაზა სოფრომაძე დაესწრო.

მან ყურადღება ფსიქიკური ჯანმრთელობის სახელმწიფო პროგრამისა და ამ ადამიანების საზოგადოებრივ ცხოვრებაში ჩართულობის მნიშვნელობაზე გაამახვილა.

„ჩვენს ქვეყანაში არსებობს სპეციალური პროგრამა ფსიქიკური ჯანმრთელობის მცხრივ. მომავალი წლიდან დაგეგმილია ერთ-ერთი მიმართულების კიდევ უფრო გაფართოება. სწორედ ფსიქო-სოციალური რეაბილიტაცია  ძალიან მნიშვნელოვანი იქნება ამ ადამიანების საზოგადოებაში რეინტეგრაციისთვის“, - აღნიშნა ზაზა სოფრომაძემ.

დღესვე, ფსიქიკური ჯანმრთელობისა და ნარკომანიის პრევენციის ცენტრის დირექტორის მოადგილე ნინო ოკრიბელაშვილს სამედიცინო სფეროს განვითარებაში შეტანილი წვლილისთვის სპეციალური სიგელი და საპატიო მედალი გადაეცა.

2017 წლის ფსიქიკური ჯანმრთელობის მსოფლიო დღის თემა სამუშაო ადგილებზე ფსიქიკური ჯანმრთელობის დაცვაა. არასათანადო სამუშაო გარემო ფიზიკური და ფსიქიკური ჯანმრთელობის პრობლემების გამომწვევი მიზეზი შეიძლება გახდეს, ხოლო ფსიქიკური ჯანმრთელობისთვის ხელშემწყობი სამუშაო ადგილებს შეუძლია გაზარდოს პროდუქტიულობა. ჯანდაცვის მსოფლიო ორგანიზაციის კვლევის მიხედვით, დეპრესია და შფოთვითი აშლილობები მსოფლიო ეკონომიკას  ყოველწლიურად 1 ტრილიონი დოლარით აზარალებს.

ფსიქიკური ჯანმრთელობის მსოფლიო დღე 1992 წლიდან აღინიშნება და ამ მიმართულებით საზოგადოების ცნობიერების ამაღლებას ისახავს მიზნად.

(NS)

ავტორი: ,

სოციალური ქსელები

GASOLINE - Reckless-ისა და Tegeta-ს ლიმიტირებული კოლექცია უკვე ხელმისაწვდომია

მორიგი ჯილდო The Digital Banker-ისგან - საუკეთესო საკრედიტო ბარათი მაღალშემოსავლიანი სეგმენტის მომხმარებლებისთვის აღმოსავლეთ ევროპაში

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის