კატალონიის ავტონომიური რეგიონის მეთაური კარლეს პუჩდემონი დღეს ადგილობრივ პარლამენტში ე.წ. რეფერენდუმის შედეგებს ოფიციალურად გამოაცხადებს, - ამის შესახებ BBC იუწყება.

მედია საშუალების ინფორმაციით, პუჩდემონი დღეს დამოუკიდებლობის გამოცხადებასაც გეგმავს.

როგორც ესპანეთის პრემიერ-მინისტრმა მარიანო რახოიმ განაცხადა, კატალონიის დამოუკიდებლობის გამოცხადების შემთხვევაში, ოფიციალური მადრიდი ყველა კანონიერ ზომას მიმართავს.

მანვე განმარტა, რომ ხელისუფლება კონსტიტუციის 155-ე მუხლს აამოქმედებს, რომელიც რეგიონის ავტონომიის გაუქმებას ითვალისწინებს.

აღსანიშნავია, რომ დამოუკიდებლობას კატალონიელების ნაწილი არ ეთანხმება. ამასთან, ბარსელონის მერის ადა კოლაუმის თქმით, მხარეებმა დიალოგი უნდა დაიწყონ.

"დიალოგი ყველაზე მამაცი ქმედება იქნება მათი მხრიდან", - განაცხადა ბარსელონის მერმა.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება