დღეს ნობელის კომიტეტი მშვიდობის დარგში გამარჯვებულს დაასახელებს, - The Independent იუწყება.

მედია საშუალების ინფორმაციით, კანდიდატების სრული სია, როგორც ყოველთვის საიდუმლოს წარმოადგენს.

თუმცა, მედიის ცნობით, წელს პრემიაზე 318 კანდიდატია წარდგენილი, მათ შორის 103 ორგანიზაცია.

ერთ-ერთი ვერსიით, მშვიდობის დარგში ნომინანტებს შორის ამერიკის შეერთებული შტატების პრეზიდენტი დონალდ ტრამპი და რუსეთის ლიდერი ვლადიმერ პუტინი არიან. როგორც მედია წერს, ბევრისთვის ასეთი ნომინაცია საკმაოდ ირონიულია.

ფავორიტებს შორის ექსპერტები გაეროს ლტოლვილთა უმაღლეს კომისარიატს, დასავლეთ აფრიკის ქვეყნების ეკონომიკურ თანამეგობრობას, რუსული უფლებადაცვითი ცენტრ „მემორიალის“ დამფუძნებელს სვეტლანა განუშკინას და რუსულ გამოცემა „ნოვაია გაზეტას“, ასევე, საუდელ ბლოგერს რაიფ ბადავის და თურქული გაზეთის „Cumhuriyet“-ის ყოფილ მთავარ რედაქტორს ჯან დიუნდარს ასახელებენ.

აღსანიშნავია, რომ მშვიდობის დარგში ნობელის მიღება შეუძლიათ, პოლიტიკოსებს, საზოგადო მოღვაწეებს და სხვა დარგში ლაურეატებს.

გუშინ 2017 წლის ნობელის პრემია ლიტერატურის დარგში იაპონური წარმოშობის ბრიტანელ მწერალს კაზუო იშიგუროს გადაეცა.

ცნობისთვის, მშვიდობის დარგში ნობელის პრემია რომის პაპ ფრანცისკესაც აქვს მიღებული.

ავტორი: ,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება