|
2015-04-30 17:34:29, 1031 ნახვა
ეკონომიკა
არჩილ ხაბაძემ აჭარაში მოღვაწე წარმატებული ბიზნესმენები დააჯილდოვა
სასტუმრო შერატონის საკონფერენციო დარბაზში აჭარის წარმატებულ ბიზნესმენთა დაჯილდოების ცერემონია გაიმართა. სტუმრებს აჭარის ავტონომიური რესპუბლიკის მთავრობის თავმჯდომარე არჩილ ხაბაძე მიესალმა და დააჯილდოვა ფირმები, რომლებმაც 2014 წლის წარმატებული საინვესტიციო პროექტები განახორციელეს. ღონისძიებაზე სხვადასხვა ნომინაციაში გამარჯვებულებს სამახსოვრო საჩუქრები და სიგელები გადასცეს აჭარის ფინანსთა და ეკონომიკის მინისტრის მოადგილემ იონა წითელაძემ, სოფლის მეურნეობის მინისტრმა ზაურ ფუტკარაძემ, განათლების, კულტურისა და სპორტის მინისტრმა გია თავამაიშვილმა, ჯანმრთელობისა და სოციალური დაცვის მინისტრმა ნუგზარ სურმანიძემ, ტურიზმისა და კურორტების დეპარტამენტის თავმჯდომარის მოადგილემ მამუკა ბერძენიშვილმა, აჭარის უმაღლესი საბჭოს თავმჯდომარემ ავთანდილ ბერიძემ, აჭარის ლოჯისტიკის, ტრანსპორტისა და გადამზიდავთა ასოციაციის თავმჯდომარემ თამაზ თურმანიძემ, სავაჭრო-სამრეწველო პალატის თავმჯდომარემ თამაზ შავაძემ. ცერემონიაზე დაჯილდოვდნენ წარმატებული საწარმოები, სხვადასხვა დარგის ბიზნესმენები, ტურიზმისა და სასტუმრო საქმიანობაში წარმატებული ადამიანები, ექსპორტიორები და ინვესტორები, ბიზნეს გაერთიანებები და სატრანსპორტო კომპანიები. ასევე, დაჯილდოვებაზე გამოვლინდნენ წარმატებული ქალი ბიზნესმენები. "ეს ის ბიზნესმენებია, რომლებიც აჭარაში მოღვაწეობენ და დასაქმებასა და ბიუჯეტის ზრდას უწყობენ ხელს. დაჯილდოება კი არის მოტივაცია, რომ ბიზნესმა საქმე აკეთოს. მას ვისაც დამსახურება აქვს უნდა გადავცეთ პრიზები და დავაჯილდოვოთ. ვფიქრობ, რომ დღევანდელი დაჯილდოვება მისასალმებელი ფაქტია და ბიზნესმენების მხრიდანაც არის შესაბამისი რეაქცია. ამას ტრადიციული ხასიათი უნდა მიეცეს და გაჯანსაღდეს სახელმწიფოს დამოკიდებულება ბიზნესის მიმართ. აღსანიშნავია, რომ ბიუჯეტში გვაქვს მატება. ბოლო 2 წლის განმავლობაში 45 მილიონით გაიზარდა შემოსავლები. ეს გულისხმობს, რომ ბიზნესი ვითადება, დასაქმება იზრდება და ამაში ბიზნესმენთა წვლილი ძალიან დიდია“, - განაცხადა არჩილ ხაბაძემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



