კომპანია Yahoo-ზე მორიგი ჰაკერული თავდასხმის შედეგად სულ მცირე 3 მილიარდი მომხმარებლის ანგარიში დაზიანდა, - ამის შესახებ Techcrunch იუწყება.

მედია საშუალების ინფორმაციით, ჰაკერებს ხელში შესაძლოა ისეთი პერსონალური ინფორმაციები ჩაუვარდათ, როგორებიცაა სახელი/გვარი, დაბადების თარიღი, ტელეფონის ნომერი და პაროლი.

როგორც მედია წერს, ჰაკერებმა Yahoo 2013 წელს გატეხეს, თუმცა ამის აღმოჩენა მხოლოდ 2016 წელს მოხერხდა. მაშინ კომპანიის წარმომადგენლებმა აღნიშნეს, რომ მხოლოდ 1 მილიარდამდე მომხმარებლის ანგარიში დაზიანდა, ახლა ამ რიცხვმა 3 მილიარდს მიაღწია.

Yahoo-ში ვარაუდობენ, რომ კიბერთავდასხმის უკან სახელმწიფო დგას. მედიის ცნობით, ამერიკულ დაზვერვაში ვარაუდობენ, რომ კიბერთავდასხმა ერთ-ერთი სახელმწიფოს დაკვეთით ან მხარდაჭერით განხორციელდა, რადგან მომხდარი ფაქტი იმ კიბერთავდასხმებს ჰგავს, რომელსაც რუსეთის სპეცსამსახურებთან დაკავშირებული ჰაკერები ახორციელებენ.

ცნობისთვის, ეს არის კიბერუსაფრთხოების ისტორიაში ყველაზე მსხვილი კიბერთავდასხმაა, რომლის შესახებაც ინფორმაცია გასაჯაროვდა.

შეგახსენებთ, კომპანია Yahoo Incorporation-მა თავისი აქტივები Verizon Communication-ს მიმდინარე წლის 10 იანვარს მიჰყიდა.

ავტორი: ,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა