|
2015-04-30 13:58:44, 982 ნახვა
ეკონომიკა
გიორგი კვირიკაშვილმა ევროპის საინვესტიციო ბანკის დელეგაცია მიიღო
საქართველოს ეკონომიკისა და მდგრადი განვითარების მინისტრის მოვალეობის შემსრულებელმა გიორგი კვირიკაშვილმა ევროპის საინვესტიციო ბანკის ვიცე-პრეზიდენტი ვილჰელმ მოლტერერი მიიღო. ეკონომიკის სამინისტროს ინფორმაციით, გიორგი კვირიკაშვილი მიესალმა ევროპის საინვესტიციო ბანკის გადაწყვეტილებას, თბილისში გახსნას რეგიონული ოფისი. მისი განცხადებით, ევროპის საინვესტიციო ბანკი დღეს ხსნის წარმომადგენლობით ოფისს საქართველოში, რომელიც სამხრეთ კავკასიის ოპერაციებს დაფარავს. „ეს იქნება უმნიშვნელოვანესი ინსტიტუტი საქართველოს მომავალი განვითარებისთვის, რადგან ჩვენ გვაქვს ძალიან მნიშვნელოვანი გეგმები ასოცირების ხელმშეკრულების და თავისუფალი სავაჭრო ზონის მიმართულებით. ზუსტად ეს ინსტიტუტი არის განსაზღვრული იმისთვის, რომ საქართველოს ეკონომიკის სხვადასხვა სფეროებს, მათ შორის, სოფლის მეურნეობას, ენერგეტიკის სექტორს, ინფრასტრუქტურას დაეხმაროს, რათა საქართველო გახდეს თავისი ინდუსტრიებითა და ინფრასტრუქტურით ნამდვილად ევროპული ქვეყანა“, - განაცხადა კვირიკაშვილმა. ამასთან, გიორგი კვირიკაშვილმა ევროპის საინვესტიციო ბანკის წარმომადგენლებს მიმდინარე და სამომავლო პროექტები და გეგმები გააცნო. როგორც ევროპის საინვესტიციო ბანკის ვიცე-პრეზიდენტმა ვილჰელმ მოლტერერმა განაცხადა, ისინი წარმომადგენლობით ოფისს თბილისში იმ პოზიტიურ გამოცდილებაზე დაფუძნებით ხსნიან, რომელიც მათ საქართველოსთან თანამშრომლობით დაუგროვდათ. ვილჰელმ მოლტერერმა აღნიშნა, რომ ბანკი დიდ პოტენციალს ხედავს საქართველოში ეკონომიკური თვალსაზრისით და თავის წვლილს შეიტანს მის განვითარებაში. შეხვედრის დასასრულს მხარეებმა ურთიერთობის მიმართულებები განსაზღვრეს და სამომავლო თანამშრომლობის საკითხები განიხილეს. შეხვედრას საქართველოს ეკონომიკისა და მდგრადი განვითარების სამინისტროს ხელმძღვანელი პირები და ევროპის საინვესტიციო ბანკის დელეგაციის წარმომადგენლები დაესწრნენ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



