"ეს არ იყო რეფერენდუმი, ეს იყო თავდასხმა დემოკრატიაზე და ესპანეთის ერთიანობაზე" - ამის შესახებ ესპანეთის პრემიერ-მინისტრმა მარიანო რახოიმ სპეციალური მიმართვისას განაცხადა.

რახოის სპეციალური მიმართვა, ე.წ რეფერენდუმის დასრულების შემდეგ, მსოფლიო წამყვანმა მედიასაშუალებებმა პირდაპირ ეთერში აჩვენეს.

"ჩვენ ვიხილეთ რეგიონალური ხელისუფლების თავხედობა, ძალაუფლების ბოროტად გამოყენება და დემოკრატიაზე დაცინვა. მე მინდა ვთქვა, რომ ვინც პასუხისმგებელია ამ ყოველივეზე, ვინც აფეთქებს ესპანეთის სახელმწიფოს, მის ლეგალურობას, ვინც არაფრად აგდებს კონსტიტუციას, ისინი არიან დამნაშავენი ყველაფერში. არაა საჭირო ვეძებოთ სხვა დამნაშავენი, ისინი ჩვენს წინ სახეზე არიან." -განაცხადა რახოიმ.

ესპანეთის პრემიერის განცხადებით, კატალონიის მოსახლეობის უმრავლესობას არ მიუღია ფარსში მონაწილეობა.

შეგახსენებთ, ესპანეთის საკონსტიტუციო სასამართლომ  შეაჩერა კატალონიის პარლამენტის მიერ მიღებული დადგენილება,  დამოუკიდებლობის შესახებ რეფერენდუმის ჩატარების თაობაზე.

ავტორი: ,

სოციალური ქსელები

აქციების დროს დაკავებულების ოჯახის წევრები „საზოგადოებრივ მაუწყებელთან“ აქციას მართავენ

აშშ-მ ირანისთვის იარაღის მიწოდების დახმარების გამო რუსულ კომპანიებს სანქციები დაუწესა

Anchorისარგებლეთ საქართველოს ბანკის მობილბანკის განახლებული ფუნქციონალებით

მცირე მარნები ადგილობრივ ბაზარზე სარეალიზაციოდ განკუთვნილი პროდუქციის სერტიფიცირების საფასურისგან გათავისუფლდნენ