საქართველოს  იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ პროგრამა „ლიდერთა სახლის“ მონაწილეებს ფოტოგრაფი გოგა ჩანადირი შეხვდა. 

შეხვედრა პროექტის „პროფესიული არჩევანის“ ფარგლებში გაიმართა. ძირითადი დრო ფოტოგრაფიის ხელოვნებას და მის მნიშვნელობას დაეთმო. ახალგაზრდებს შესაძლებლობა ჰქონდათ ენახათ გოგა ჩანადირის მიერ გადაღებულლი ფოტომასალაც. 

სტუმარმა შეხვედრის მონაწილეებს სხვადასხვა ქვეყანაში მოგზაურობის დროს დათვალიერებული და ფირზე აღბეჭდილი ისტორიულ-გეოგრაფიული ღირშესანიშნაობების შესახებ უამბო. 

შეხვედრის მეორე ნაწილში მოსწავლეებმა საკუთარი ინტერესების, პროფესიული არჩევანის, ასევე ჰობის შესახებ ისაუბრეს და გარკვეული რჩევებიც მიიღეს.  შეხვედრის დასასრულს პროგრამის მონაწილეები შეუერთდნენ ფოტოგრაფის მიერ 21 თებერვალს მშობლიური ენის მსოფლიო დღეს ინიცირებულ აქციას - „დავიცვათ ქართული ენა ბარბარიზმებისგან“. 

ცნობისთვის, იუსტიციის სამინისტროს დანაშაულის პრევენციის ცენტრის ახალგაზრდული პროგრამა „ლიდერთა სახლი" საქართველოს 13 ქალაქში არსებულ იუსტიციის სახლებში მიმდინარეობს. პროგრამის ერთ-ერთი წარმატებული პროექტია „პროფესიული არჩევანი“. ამ პროექტის ფარგლებში საინტერესო და წარმატებულ ადამიანებთან შეხვედრა ყოველკვირეულად იმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი