უკრაინის პოლიციაში უარყოფენ, რომ მიხეილ სააკაშვილს პასპორტი „მოიპარეს“

2017-09-11 07:47:00, 2538 ნახვა

მსოფლიო

უკრაინის ეროვნული პოლიცია საქართველოს ყოფილი პრეზიდენტის მიხეილ სააკაშვილის ბრალდებებს პასუხობს.

როგორც პოლიციის მიერ გავრცელებულ განცხადებაშია აღნიშნული, მათ ოდესის ყოფილი გუბერნატორის პასპორტი "არ მოუპარავთ".

"განცხადება იმის თაობაზე, თითქოს ჩვენ ამოვიღეთ სააკაშვილის პასპორტი "შეგენის" სასაზღვრო გამშვებ პუნქტზე სიმართლეს არ შეესაბამება. ასე, გაკეთებული განცხადება პასპორტის ამოღებასთან დაკავშირებით არ შეესაბამება იმ განვითარებულ მოვლენებს, რომელიც საზღვარზე პირების უკანონოდ გადაყვანას მოსდევდა. ადგილზე პოლიცია მოქალაქეების უსაფრთხოებას იცავდა და არავის პასპორტი არ ამოუღია", - ნათქვამია განცხადებაში.

შეგახსენებთ, რომ დღეს გამართულ ბრიფინგზე, ლვოვში მიხეილ სააკაშვილმა განაცხადა, რომ საზღვარზე მას პასპორტი მოპარეს და ამაში უკრაინელი სამართალდამცველები დაადანაშაულა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები