საქართველოს მესამე პრეზიდენტის ადვოკატის მარკიან გალაბალას განცხადებით, მისი დაცვის ქვეშ მყოფი უკრაინას მიმართავს, „სცნოს პირად, რომელსაც დამატებითი დაცვა სჭირდება“.

ადვოკატის განმარტებით, შესაბამისი დოკუმენტი მან უკრაინის საიმიგრაციო სამსახურში დღეს დილით შეიტანა.

"საიმიგრაციო სამსახურში აღნიშნული განაცხადის შეტანამ უნდა შეაჩეროს ქართული მხარის მოთხოვნა მიხეილ სააკაშვილის ექსტრადირებაზე. იმისათვის, რომ არ დავუშვათ სააკაშვილის საქართველოში ექსტრადირება, გვსურს მისი სტატუსი გავაძლიეროთ სხვა სამართლებრივი სტატუსით. კერძოდ კი, მიენიჭოს სტატუსი "პირის სტატუსი, რომელსაც დამატებითი დაცვა სჭირდება. ამჟამად, მიხეილ სააკაშვილს მოქალაქეობის გარეშე პირის სტატუსი აქვს, რომელიც უკრაინაში მუდმივად ცხოვრობს", - განაცხადა სააკაშვილის ადვოკატმა.

მანვე აღნიშნა, რომ ქართული მხარის მიერ, ექსტრადირების მოთხოვნის შესახებ ინფორმაცია, მედიისგან შეიტყო და განმარტა, რომ ოფიციალურ უწყებას, აღნიშნულის თაობაზე მისთვის ჯერ არ უცნობებია.

ავტორი: ,

სოციალური ქსელები

სასულიერო აკადემიამ მეუფე იობის განათლება დაადასტურა

Facebook-პოსტის გამო აქტივისტი ია მელითაური 2500 ლარით დააჯარიმეს

აქციაზე გზის ე.წ გადაკეტვის გამო 3 პირს ადმინისტრაციული პატიმრობა შეეფარდა, ორი ფეისბუქში სტატუსის გამო დააჯარიმეს

ყაზახეთმა რუსეთიდან ელექტროენერგიის იმპორტის შეწყვეტის გადაწყვეტილება მიიღო