„ჩემთვის მნიშვნელობა არ აქვს, ვინ დაარღვია საზღვარი, "ბოევიკმა" აღმოსავლეთში, თუ პოლიტიკანებმა დასავლეთში. პასუხისმგებლობა ჩადენილზე უნდა იყოს მკაფიოდ სამართლებრივი“, - ამის შესახებ უკრაინის პრეზიდენტმა პეტრო პოროშენკომ განაცხადა.

როგორც პოროშენკომ აღნიშნა, ინციდენტს, რომელიც გუშინ მოხდა სახელმწიფო საზღვარზე, პოლიტიკური შეფასებები არ სჭირდება.

"ჩვენი კომენტარები მხოლოდ სამართლებრივ სივრცეში გაკეთდება. 26 ივლისს ცენტრალური აღმასრულებელი ორგანოს, ქვეყნის საიმიგრაციო სამსახურის მიერ მოწოდებული დოკუმენტაციით მე გამოვეცი განკარგულება, რომლითაც სააკაშვილს მოქალაქეობა შეუჩერდა. პრეზიდენტს არ შეეძლო ასეთი ფაქტები რეაგირების გარეშე დაეტოვებინა. ყველა სამართლებრივ ქვეყანაში  პირს შეუძლია, ეს გადაწყვეტილება გაასაჩივროს სასამართლოში", - განაცხადა პოროშენკომ.

რაც შეეხება სააკაშვილის მიერ პრეზიდენტის გადაწყვეტილების გასაჩივრებას, პოროშენკოს შეფასებით, ოდესის ყოფილ გუბერნატორს ამისთვის საკმარისი დრო ჰქონდა.

„მე, როგორც პრეზიდენტი, სასამართლოს ნებისმიერ გადაწყვეტილებას შევასრულებ. გავიდა თვენახევარზე მეტი, არავის მიუმართავს სასამართლოსთვის. ამის ნაცვლად ჩადენილი იყო დანაშაული, რადგან ქვეყნის სახელმწიფო საზღვრის ხელშეუხებლობა კონსტიტუციითაა დაცული. ეს ქვეყნის ნაციონალური უსაფრთხოების საკითხია. ჩემთვის მნიშვნელობა არ აქვს, ვინ დაარღვია საზღვარი, "ბოევიკმა" აღმოსავლეთში, თუ პოლიტიკანებმა დასავლეთში. პასუხისმგებლობა ჩადენილზე უნდა იყოს მკაფიოდ სამართლებრივი“, - განაცხადა პეტრო პოროშენკომ.

ავტორი: ,

სოციალური ქსელები

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა

კრემლმა გერმანიის ულტრამემარჯვენე პარტიასთან მოლაპარაკებები დაიწყო გერმანიაში გაზის მიწოდების აღდგენის თაობაზე

საქართველოს საგარეო ვალი ერთ თვეში 52 მილიონი დოლარით გაიზარდა