პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, შექმნილ უმძიმეს ვითარებაში, სტიქიის ზონაში, ხანძრის სალიკვიდაციო სამუშაოებში სამხედროების ჩართულობა მნიშვნელოვანია.

სტიქიის ზონაში სამხედრო შენაერთების გამოყენების თაობაზე პარლამენტი რიგგარეშე სხდომაზე ამწუთებში მსჯელობს. პარლამენტმა სტიქიის ზონაში სამხედრო ძალის გამოყენებასთან დაკავშირებით პრეზიდენტის ბრძანება უნდა დაამტკიცოს.

„მართლაც ამ უმძიმეს ვითარებაში ჩვენი სამხედროების ძალისხმევა ძალიან მნიშვნელოვანია.იცით, რომ გუშინ ატენის ხეობაში ჩვენი სამხედროების საჯარისო შენაერთების და მეხანძრეების თავდაუზოგავი მუშაობის შედეგად, მოხდა ხანძრის ლიკვიდაცია. ძალიან რთული ვითარება იყო, გეოგრაფიულად რთულად მისადგომი, გაუვალი ტყე იყო. მიუხედავად ამისა, მათ შეძლეს ძალიან მნიშვნელოვანი შედეგის მიღწევა, რაც კიდევ ერთხელ ადასტურებს ამ გადაწყვეტილების სისწორეს. კომიტეტმა იმსჯელა და მხარი დაუჭირა წარდგინებას“,-აღნიშნა ირაკლი სესიაშვილმა.

საქართველოს მთავრობის გადაწყვეტილებით, ხანძრის კერების ლიკვიდაციის და შემდგომი ლოკალიზაციის მიზნით, ასევე, მოსალოდნელი რისკების თავიდან ასაცილებლად, დამატებითი ცოცხალი ძალის მობილიზება გადაწყდა.  საქართველოს პრემიერ-მინისტრმა გიორგი კვირიკაშვილმა “სამხედრო ძალების გამოყენების წარდგინებით” საქართველოს პრეზიდენტს გიორგი მარგველაშვილს გუშინ მიმართა. 

პრეზიდენტი საგანგებო სიტუაციაზე რეაგირების მიზნით საქართველოს სამხედრო ძალების გამოყენებას დაეთანხმა. მან შესაბამისი ბრძანება გამოსცა.

ავტორი: ,

სოციალური ქსელები

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში

ჯანდაცვა: იზრდება სოცდაუცველი და მრავალშვილიანი ოჯახებისთვის დენის სუბსიდირების თანხა

ნანა სანდერი: ციხეში ჩემი ფიზიკური და ფსიქიკური ჯანმრთელობა საფრთხეშია

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი