„რესპუბლიკელი“ სენატორი ჯონ მაკკეინი Facebook-ის საკუთარ გვერდზე ვიდეომიმართვას ავრცელებს.

როგორც მაკკეინი ამბობს, ის საშინელ დაავადებას ებრძვის, მაგრამ მზად არის მუშაობას შეუდგეს.

"ჩემი მკურნალობის საქმე კარგად მიდის. თავს კარგად ვგრძნობ. მოდით, გულახდილები ვიყოთ - ეს ძალიან დაუნდობელი დაავადებაა, უნდა შევუტიო მას. საბედნიეროდ, ექიმებმა ის ნაადრევად აღმომიჩინეს და მკურნალობაც ძალიან კარგად მიდის. კიდევ 2 კვირა უნდა ვიმკურნალო, შემდეგ შეამოწმებენ, გახდება თუ არა საჭირო დამატებითი პროცედურების ჩატარება. მეგობრებო, ეს ძალიან ბოროტი დაავადებაა, მაგრამ მას ვუყურებ როგორც კიდევ ერთ გამოწვევას ჩემს ცხოვრებაში, როგორებიც ბევრჯერ მქონია. მნიშვნელოვანი გზავნილი მაქვს ჩემი დემოკრატი მეგობრებისთვის. მე ვბრუნდები! იმათაც კი, ვისაც უნდათ, რომ მოვკვდე, არ სურთ, რომ ეს ახლა მოხდეს - ეს კი, უკვე კარგია", - დასძინა მაკკეინმა.

ცნობისთვის, 14 ივლისს სენატორ ჯონ მაკკეინს ოპერაცია ჩაუტარდა, რა დროსაც ექიმებმა მაკკეინს ტვინის სიმსივნე დაუდგინეს. 25 ივლისს ჯონ მაკკეინი აშშ-ის სენატის სხდომას დაესწრო და კოლეგები მას ფეხზე მდგომნი, ტაშით დახვდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა