2017-08-11 18:27:45, 2732 ნახვა
მსოფლიო
ეგვიპტეში მატარებლების შეჯახებას სულ მცირე 20 ადამიანი ემსხვერპლა
ეგვიპტეში, ქალაქ ალექსანდრიაში ორი სამგზავრო მატარებელი ერთმანეთს შეეჯახა, რის შედეგადაც სულ მცირე 20 ადამიანი დაიღუპა, - ამის შესახებ BBC იუწყება.
მედია საშუალების ინფორმაციით, შემთხვევის შედეგად ათობით ადამიანი დაშავდა, თუმცა დაშავებული ადამიანების ზუსტი რაოდენობა არ სახელდება.
მედიის ცნობით, ადგილზე მობილიზებულია სამედიცინო დახმარების ბრიგადა.
სამართალდამცველების თქმით, ამ დრომდე უცნობია თუ რა გახდა ორი მატარებლის შეჯახების მიზეზი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
