ვაკის რაიონის მრავალბინიან კორპუსებში სარეაბილიტაციო სამუშაოები 101 მისამართზე მიმდინარეობს

2017-08-10 11:45:22, 2291 ნახვა

საზოგადოება

ვაკის რაიონის გამგეობა ბინათმესაკუთრეთა ამხანაგობების ხელშეწყობის პროგრამის განხორციელებას განაგრძობს.

როგორც "ექსპრესნიუსს" თბილისის მერიიდან აცნობეს, ამ დროისთვის, მრავალბინიან კორპუსებში სხვადასხვა სახის სარეაბილიტაციო და სარემონტო სამუშაოები 101 მისამართზე მიმდინარეობს.

კერძოდ, ამხანაგობების თავმჯდომარეების განცხადებების საფუძველზე და ვაკის გამგეობის თანადაფინანსებით, სართულშუა ნაპრალების, ლიფტების, საერთო სარგებლობის კიბეების, კარის, ბრტყელი და ქანობიანი სახურავების, შიდა წყალ-კანალიზაციის რეაბილიტაცია ხორციელდება. გარდა ამისა, მიმდინარეობს სენსორული განათების დამონტაჟება და წყალსაწრეტი მილების გამოცვლა. მიმდინარე სარეაბილიტაციო და სარემონტო სამუშაოებზე გამგეობის მიერ 915 553 ლარია გამოყოფილი.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან