|
2015-04-23 17:46:44, 1143 ნახვა
ეკონომიკა
დავით მირცხულავა: ხუდონჰესის პროექტში სახელმწიფოს მნიშვნელოვანი წილობრივი მონაწილეობა მიზანშეწონილი არაა
ხუდონჰესის ინვესტორი კომპანია “ტრანსელექტრიკა ჯორჯიას“ ტექნიკური დერექტორი დავით მირცხულავა მიიჩნევს, რომ პროექტში სახელმწიფოს მნიშვნელოვანი წილობრივი მონაწილეობა მიზანშეწონილი არაა. ამის შესახებ მირცხულავამ სახელმწიფოს მხრიდან ჰიდროელექტროსადგურის მშენებლობაში მონაწილეობის საკითხის კომენტირებისას განაცხადა. მისი თქმით, მთავრობასთან ახალი მემორანდუმი ფორმდება, ხოლო წილობრივი საკითხები უახლოეს მომავალში გადაწყდება. „ჰესის მშენებლობაში სახელმწიფოს მხრიდან მხოლოდ მინორიტარულ აქციონერად შემოსვლაა მიზანშეწონილი. მენეჯმენტში სახელმწიფოს ყოფნა ნებისმიერ პროექტს დააზარალებს. ჩვენი შეთავაზება ამ კუთხით 20 პროცენტამდე წილია, ახლა საპარტნიორო ფონდის წილობრივ მონაწილეობაზეა საუბარი“, - განაცხადა მირცხულავამ. მისივე თქმით, მთავრობასთან დეკემბერში შეთანხმებულ დოკუმენტში ჰესის მიერ გამომუშავებული ელექტროენერგიის თორმეტთვიან შესყიდვაზეა საუბარი. „სისტემის კომერციული ოპერატორი ხუდონჰესის მმართველ კომპანიასთან გააფორმებს ხელშეკრულებას იმის თაობაზე, რომ გამომუშაველი ენერგიის სრული მოცულობა 12 თვის განმავლობაში 15 წლის პერიოდში საქართველოს ენერგოსივრცეში დარჩება“, - აღნიშნა მირცხულავამ. მისივე განცხადებით, სახელმწიფოს კითხვები “ტრანსელექტრიკასთან“ მხოლოდ კომპანიის ოფშორულ ზონაში რეგისტრაციასთან დაკავშირებით ჰქონდა. მირცხულავას ინფორმაციით, კომპანია არაოფშორულ ზონაში გადავა და სავარაუდოდ ჰოლანდიური ინვესტიცია იქნება. რაც შეეხება ხაიშის მოსახლეობას, “ტრანსელექტრიკა ჯორჯიას“ ტექნიკური დირექტორი აცხადებს, რომ ამ კუთხით საუკეთესო მსოფლიო გამოცდილებას გაითვალისწინებენ და კომპანია სოფლის მოსახლეობის სოციალური მდგომარეობის გამოსწორებას ხელს მაქსიმალურად შეუწყობს. შეგახსენებთ, ენერგეტიკის მინისტრმა კახა კალაძემ და უწყების წარმომადგენლებმა არაერთხელ განაცხადეს, რომ ხუდონჰესის ინვესტორ კომპანიასთან კითხვები ოფშორულ ზონაში რეგისტრაციის გამო ჰქონდათ. კალაძემ არც ის გამორიცხა, რომ ჰიდროელექტროსადგურის მშენებლობა სახელმწიფოს დაეწყო.
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
პროკურატურა - ღარიბაშვილის უფლებების შესაძლო დარღვევაზე გამოძიების დაწყების საფუძველი არ არსებობს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



