7 ივლისს, 04:00 საათზე, თბილისის საერთაშორისო აეროპორტში მსოფლიო ჩემპიონი, პარამოფარიკავე ნინა თიბილაშვილი საქართველოში დაბრუნდება.საკონტაქტო პირი ნინო მეუნარგია - 599874774

7 ივლისს, 11:00 საათზე, საკონსტიტუციო სასამართლოში ე.წ მოსმენების კანონთან დაკავშირებული სარჩელების განხილვა განახლდება. დაგემილია სახელმწიფო უსაფრთხოების სამსახურის წარმომადგენლისა და პერსონალურ მონაცემთა დაცვის ინსპექტორის მოსმენა.

7 ივლისს, 12:00 საათზე, მცხეთაში, 120 დევნილი ოჯახისთვის კორპუსების მშენებლობა დაიწყება. ღონისძიებას ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და მცხეთა-მთიანეთის გუბერნატორი ლევან ზაუტაშვილი დაესწრებიან. მის.: მცხეთა, წერეთლის ქუჩა (ყოფილი „ტურბაზის“ ტერიტორია)

7 ივლისს, 13:00 საათზე, განათლებისა და მეცნიერების სამინისტროს წინ გამაფრთხილებელი საპროტესტო აქცია გაიმართება.მის.: დიმიტრი უზნაძის ქ. N52 თემა: ”ბავშვთა უფლებების დაცვის საზოგადოება, ყველა შესაძლო ხერხით, შეებრძოლება სკოლებში სექსუალური განათლების შეტანას, სკოლების გენდერიზაციას”.საკონტაქტო პირი: ბავშვთა უფლებების დაცვის საზოგადოების აღმასრულებელი დირექტორი ზურაბ მურჯიკნელი - 598 38 02 07

7 ივლისს, 16:30 საათზე, საქართველოს პროფესიული კავშირების გაერთიანებას ამერიკის ელჩი ეწვევა, რომელიც საქართველოს პროფკავშირების თავმჯდომარეს ირაკლი პეტრიაშვილს და გაერთიანების წევრი დარგობრივი ორგანიზაციების ლიდერებს შეხვდება. 

7 ივლისს, 19:00 საათზე, თბილისის ზაქარია ფალიაშვილის სახელობის ოპერისა და ბალეტის თეატრის წინ, ქართველი ბარიტონის, ლადო ათანელის ვარსკვლავი გაიხსნება. 

7 ივლისს, 21:00 საათზე, ლეღვთახევში (აბანოთუბანში) ვიდეო პროექციით კლდეზე გაცოცხლებული თბილისის ისტორიის ღონისძიება გაიხსნება, რომელსაც თბილისის მერობის კანდიდატები დაესწრებიან.
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა