„საქართველოს ეროვნული ბანკის გადაწყვეტილება ლარის გაუფასურების პერიოდში რეზერვების შენახვასთან დაკავშირებით სწორი იყო“, - ამის შესახებ ევროპის რეკონსტრუქციისა და განვითარების ბანკის დირექტორმა სამხრეთ კავკასიაში, მოლდოვასა და ბელორუსში ბრუნო ბალვანერამ საქართველოში ეკონომიკური ზრდის ტემპის შემცირების საკითხის კომენტირებისას განაცხადა.  
მისი თქმით, საქართველოს ეკონომიკაზე გავლენას გარე ფაქტორებით გამოწვეული შოკები ახდენენ.
„რეალობა ისაა, რომ საქართველო რთულ გარემოში იმყოფება, რაც გამოწვეულია დოლარის გამყარებით მსოფლიოს ძირითადი სავალუტო კურსების მიმართ. ასევე იმით, რომ ნავთობის ფასის შემცირებამ გავლენა მოახდინა ნავთოპროდუქტების ბაზარზე როგორც საქართველოში, ასევე რუსეთსა და აზერბაიჯანში. ჩვენ ახლა განსხვავებული რეალობის წინაშე ვართ და ქვეყნების ეკონომიკური ზრდა უფრო ნაკლები იქნება, ვიდრე ამას ველოდით. EBRD-ს ჯერ არ გამოუქვეყნებია ეკონომიკური ზრდის პროგნოზი საქართველოსთან მიმართ. დღეს არსებული საპროგნოზო მაჩვენებელი 4,2 პროცენტია. თუმცა, ჩვენ ამ მაჩვენებელს გადავხედავთ და ახალ მონაცემს EBRD-ის ყოველწლიური შეხვედრის წინ გამოვაქვეყნებთ“, - განაცხადა ბრუნო ბალვანერამ.
ევროპის რეკონსტრუქციისა და განვითარების ბანკის დირექტორმა სამხრეთ კავკასიაში Fitch Ratings-ის მიერ საქართველოს სუვერენული რეიტინგის პერსპექტივის  პოზიტიურიდან სტაბილურობამდე შეცვლის შესახებაც ისაუბრა. მისი თქმით, საკრედიტო სააგენტოს მონაცემები რეალობას ასახავს და კარგია, რომ შემცირდა პერსპექტივა და არა თავად რეიტინგი.
„ეროვნული ბანკის ქმედება ლარის დევალვაციის პერიოდში სწორი იყო, როდესაც რეზერვები სრულად არ დაიხარჯა. ვისაც დოლარში აქვს სესხი აღებული, მისთვის ეს პერიოდი მძიმე იქნება, თუმცა  ეკონომიკა სწრაფად გაჯანსაღდება“, - განაცხადა ბრუნო ბალვანერამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა

რუსეთის რკინიგზამ საქართველოსა და სომხეთში ტურის დაწყება გამოაცხადა