საქართველოს პრემიერ-მინისტრის გიორგი კვირიკაშვილის შეფასებით, კონსტიტუციური ცვლილებები საქართველოში დემოკრატიის განვითარების კუთხით, ძალიან მნიშვნელოვანი წინ გადადგმული ნაბიჯია.

როგორც კვირიკაშვილმა მთავრობის სხდომის დაწყებამდე განაცხადა, მათი გუნდის მიერ, უამრავი კომპრომისული ნაბიჯი გადაიდგა, რათა პოლიტიკური კონსესუსის ნიადაგი მონახულიყო.

“კიდევ ერთხელ მინდა შევეხო საკონსტიტუციო ცვლილებებს, ვინაიდან მოგეხსენებათ დღეს გახლავთ პოლიტიკური დღის წესრიგის ერთ-ერთი უმნიშვნელოვანესი საკითხი. მინდა, კიდევ ერთხელ გავუსვა ხაზი, რომ ეს ცვლილებები არის ძალიან მნიშვნელოვანი წინ გადადგმული ნაბიჯი საქართველოში დემოკრატიის განვითარების კუთხით. ჩვენ გვექნება კონსტიტუცია, რომელიც სწორედ ჩვენი გუნდის პოლიტიკური ნებით დაიხვეწა და აბსოლუტურ შესაბამისობაში იქნება ყველაზე მაღალ დემოკრატიულ სტანდარტებტან, რომელიც დრეს არსებობს მსოფლიოში და განსაკუთრებით ევროპაში. ძალიან მნიშვნელოვანია ითქვას, რომ ყველაზე მთავარი გადაწყცვეტილება, რომ ქვეყანა გადავიდეს პროპორციულ საარჩევნო სისტემაზე, იქნა მიღებულისწორედ ჩვენი გუნდის პოლიტიკური ნებით. მოგეხსებნებათ, გასული ათწლეულის განმავლობაში არაერთხელ ეს საკითხი გამხდარა მთელი პოლიტიკური სპექტრის მოთხოვნის საგანი, მაგრამ არც ერთხელ არ ყოფილა რეალურად პოლიტიკური ნება, რომ ასეთი მნიშვნელოვანი ცვლილება განოხორციელებულიყო“, - განაცხადა კვირიკაშვილმა და დასძინა, რომ კონსტიტუციაში შედის ასევე მნიშვნელოვანი ცვლილებები, რომლებშიც პირდაპირ არის გაწერილი დაბალანსებული ძალთა გადანაწილება მთავრობასა და პარლამენტს შორის.

„სადაც პარლამენტის როლი მნიშვნელოვნად იზრდება, სადაც მნიშვნელოვნად არის გამარტივებული მთავრობისთვის უნდობლობის გამოცხადების პროცედურები, რომლებიც აბსოლუტურად გაუგებარი იყო კონსტიტუციაში და მორგებული იყო წინა პოლიტიკურ გუნდზე, ასევე იმ გადაწყვეტილების გამო, რომ 2024 წელს გადავალთ პროპორციულ საარჩევნო სისტემაზე, 2020 წლის ერთი მოწვევის პარლამენტისთვის 3%-მდე ბარიერის დაწევა და ა.შ. უამრავი კომპრომისული ნაბიჯი იქნა გადადგმული ჩვენი გუნდის მიერ იმისათვის, რომ მონახულიყო პოლიტიკური კონსესუსის ნიადაგი“, - აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას