რუსეთის საგარეო საქმეთა მინისტრის მოადგილის გრიგორი კარასინის განცხადებით, 2015 წლის დეკემბრიდან რუსული მხარე საქართველოს მოქალაქეებისთვის საქმიან, სამუშაო, სასწავლო და ჰუმანიტარულ ვიზებს გასცემს, ახლა კი, თვითმფრინავის ეკიპაჟებისთვის ვიზების გამარტივების პროცესი მზადდება, - ამის შესახებ საგარეო საქმეთა მინისტრის მოადგილემ გამოცემა "იზვესტიასთან" მიცემულ ინტერვიუში განაცხადა.

დიპლომატის თქმით, რუსეთის მოქალაქეები, რომლებიც საქართველოს სტუმრობენ, „ოკუპირებულ ტერიტორიებზე“ კანონის მოქმედების რისკის ქვეშ არიან, რაც მისივე შეფასებით, არა მხოლოდ ადმინისტრაციულ, არამედ სისხლის სამართლის პასუხისმგებლობას ითვალისწინებს იმ პირებისთვის, ვინც მანამდე აფხაზეთსა და სამხრეთ ოსეთში იმყოფებოდა.

„ვიზების ლიბერალიზაციის საკითხზე მასშტაბური ერთობლივი მუშაობის ორგანიზება რთული იქნება, დიპლომატიური ურთიერთობების არარსებობის პირობებში. ის ქართული მხარის ინიციატივით შეწყდა. მათი აღდგენის პერსპექტივა ასევე თბილისზეა დამოკიდებული", - აღნიშნა კარასინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შარაშიძე – ნებისმიერი პარტიის აკრძალვა არადემოკრატიული გადაწყვეტილებაა, პარტია უნდა აკრძალოს მხოლოდ ხალხმა

შოიგუ: დასავლეთი უცერემონიოდ ერევა საქართველოში არსებულ ვითარებაში

Nordwind Airlines-ი რუსეთის 15 ქალაქიდან რეისებს სოჭის ნაცვლად სოხუმის აეროპორტში გადაიტანს

ელისაშვილი მდინარაძეს - გენერლის სტატუსი არ ჰქონდა, ლეიტენანტი იყო, როცა ვცემე და დაწყებული საქმე უნდა დავასრულო