2017-06-20 00:05:39, 2676 ნახვა
მსოფლიო
პეტრო პოროშენკო, სავარაუდოდ, დონალდ ტრამპს შეხვდება
უკრაინის პრეზიდენტი პეტრო პოროშენკო ხვალ, სავარაუდოდ, დონალდ ტრამპს შეხვდება.
ამ დროისთვის თეთრი სახლის პრესმდივანი მხოლოდ შეერთებული შტატების ვიცე-პრეზიდენტთან, მაიკ პენსთან დაგეგმილ შეხვედრას ადასტურებს.
პოროშენკო-ტრამპის პირველი შეხვედრის დაგეგმვის შესახებ, რამდენიმე დღის წინ, უკრაინის საგარეო საქმეთა მინისტრმა, პეტრო კლიმკინმა ისაუბრა.
ანალიტიკოსები ვარაუდობენ, რომ უკრაინის პრეზიდენტი ვაშინგტონში დონბასში კონფლიქტის მოგვარების გეგმას ჩაიტანს, ისაუბრებს ყირიმში არსებულ ვითარებასა და ადგილზე დამკვირვებელთა შეშვების მნიშვნელობაზე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
