მუსიკალურ ჯგუფ „ბირჟა მაფიას“ წევრის, გიორგი ქებურიას განცხადებით, ნარკოტიკული საშუალების ფიზიკურად ჯიბეში ჩადება არ მომხდარა, არამედ აღნიშნული საბუთებში გააფორმეს.

როგორც ქებურიამ პატიმრობიდან გათავისუფლების შემდეგ ჟურნალისტებს განუცხადა, მან ბრალი აღიარა, ვინაიდან მასზე სამართალდამცველების მხრიდან ფსიქოლოგიური ზეწოლა განხორციელდა.

„სამართალდამცველების სახელი და გვარები არ ვიცი, თავი არ წარმიდგინეს, მაგრამ ვფიქრობ, შემიძლია მათი ამოცნობა“,-ამბობს ქებურია და დასძენს, რომ დაკავებისას კლიპზე იყო საუბარი, რომელმაც მისივე განმარტებით, პოლიციის გაღიზიანება გამოიწვია, ვინაიდან კლიპში პოლიცია გაშარჟებული იყო.

„როგორც ვიცი, ამ კლიპმა პოლიცია გააღიზიანა, რადგან პოლიცია გაშარჟებული იყო და ჩვენ უნდა დავსჯილიყავით სამაგალითოდ, რათა მსგავსი ქმედება ვინმეს მხრიდან არ განმეორებულიყო“,-განაცხადა ქებურიამ.

ამასთან, ის აღნიშნავს, რომ პოლიციის მხრიდან  „აჭარა ნეტში“ განხორციელდა ზარი, კომპანიამ კი, მათ ამის თაობაზე შეატყობინა.

ქებურია განმარტავს, რომ მხოლოდ ამის შემდეგ გადაწყვიტეს კლიპის დაბლარვა.

ამასთან, იგი აცხადებს, რომ ბერა ივანიშვილთან შეხება ჰქონია და მას და მთელ საზოგადოებას გვერდში დგომისთვის მადლობას უხდის.

„მე და ბერა ერთხელ ვართ შეხვედრილი“,-დასძინა  გიორგი ქებურიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს