ამერიკის შეერთებულ შტატებში დაკავებული სპორტსმენების საქმის პროკურორის ენდრიუ ადამსის განცხადებით, ბანდის მეთაურის მითითებით ავთანდილ ხურციძე ფიზიკურად გაუსწორდა მამაკაცს, რომელსაც თანხის მითვისება დააბრალეს, - ამის შესახებ Seattle Times იუწყება.

როგორც გუშინ გამართულ სასამართლო პროცესზე გახდა ცნობილი, ნაცემი მამაკაცი სახელმწიფოს წარმომადგენელი იყო. ის, დანაშაულებრივი დაჯგუფების კუთვნილ პოკერკლუბში იყო ჩანერგილი და იქ მენეჯერად მუშაობდა.

„ასეთი ეპიზოდი სულ მცირე ორჯერ განმეორდა, პროფესიონალი მოკრივის დარტყმა კი უბრალო რამ ნამდვილად არ არის. ძალადობას და დაშინებას გადამწყვეტი როლი აქვს ამგვარი ორგანიზაციების წარმატებაში“, - აღნიშნა ენდრიუ ადამსმა.

სასამართლო სხდომამდე ერთი დღით ადრე მაგისტრანტმა მოსამართლემ სპორტსმენს ნება მისცა, გირაოს გადახდის შემთხვევაში იზოლატორი დაეტოვებინა. თუმცა, სასამართლომ გირაოს გადახდაზე ავთანდილ ხურციძეს უარი უთხრა. როგორც პროკურორმა განაცხადა, არსებობს დასაბუთებული ვარაუდი, რომ ხურციძე მიიმალება, რადგან მას საქართველოსთან და უკრაინასთან აქტიური კავშირი აქვს.

ამერიკელი პროკურორი: ბანდის მეთაურის მითითებით ხურციძე ფიზიკურად გაუსწორდა მამაკაცს, რომელსაც თანხის მითვისება დააბრალეს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის აეროპორტებში 30-ზე მეტი რეისი ვერ დაეშვა

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.