პარლამენტის თავმჯდომარის ირაკლი კობახიძის განცხადებით, მერობის კანდიდატთან დაკავშირებით გადაწყვეტილებას პარტიის პოლიტიკური საბჭო მიიღებს.

როგორც მან ჟურნალისტებს განუცხადა, პოლიტსაბჭოს სხდომა უახლოეს მომავალში გაიმართება, სადაც კანდიდატის წარდგენაზე გადაწყვეტილება მიიღება:

"პარტიას აქვს თავისი  პროცედურები კანდიდატის დასახელების. ეს პროცედურები ჩვენ არ გაგვივლია. პოლიტსაბჭო იღებს გადაწყვეტილებას კანდიდატების დასახელებასთან დაკავშირებით. მას შემდეგ, რაც შედგება პარტია "ქართული ოცნების" პოლიტიკური საბჭოს შეხვედრა, შესაბამისად როდესაც მიიღება გადაწყვეტილება, ჩვენ შეგვეძლება ვისაუბროთ კანდიდატის წარდგენასთან დაკავშირებით. შემიძლია დავადასტურო, რომ გუშინ იყო ამ საკითხთან დაკავშირებით საუბარი და ჩვენ უნდა დაველოდოთ პოლიტსაბჭოს სხდომას,  სადაც მიიღება გადაწყვეტილება კანდიდატის წარდგენასთან დაკავშირებით. ეს მოხდება უახლოეს მომავლში",-განაცხადა კობახიძემ.

ცნობისთვის, მმართველ გუნდში უკვე ადასტურებენ, რომ მერის თანამდებობაზე ვიცე პრემიერის/ენერგეტიკის მინისტრ კახი კალაძის კანდიდატურა განიხილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება