2017-06-05 10:23:09, 2666 ნახვა
მსოფლიო
მონტენეგრო ნატო-ს 29-ე წევრი დღეს ოფიციალურად გახდება
მონტენეგრო დღეს ჩრდილოატლანტიკური ალიანსის რიგით 29-ე წევრი გახდება.
გაწევრიანების ცერემონია ვაშინგტონში გაიმართება. 2 დღეში 29-ე წევრის დროშა, ნატო-ს შტაბ-ბინის თავზე, აღიმართება.
შეგახსენებთ, რომ 2010 წელს მონტენეგროსა და ნატო-ს შორის ალიანსში გაწევრიანების თაობაზე მოლაპარაკებები დაიწყო, ხოლო 2016 წელს შესაბამისი პროტოკოლის ხელმოწერით დასრულდა.
მიმდინარე წლის 25 მაისს, ბრიუსელში გამართულ ნატო-ს სამიტზე მონტენეგრომ მონაწილეობა პირველად მიიღო. სამიტს პრემიერ-მინისტრი დუშკო მარკოვიჩი დაესწრო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
