თვითმმართველობის კოდექსში ცვლილებების შედეგად, „აიპების“ მიმართულებით კადრების ოპტიმიზაცია მოხდება

2017-06-01 17:21:42, 2139 ნახვა

პოლიტიკა

თვითმმართველობის კოდექსში ცვლილებების შედეგად, გარკვეული სახის ოპტიმიზაცია მოხდება, მათ შორის კადრებისაც.

ამის შესახებ ჟურნალისტებს რეგიონული განვითარებისა და ინფრასტრუქტურის მინისტრმა ზურაბ ალავიძემ განუცხადა. მისივე განმარტებით, ოპტიმიზაცია „აიპების“ მიმართულებას შეეხება:

„უფრო ოპტიმიზაცია მოხდება, მათ შორის კადრებისაც. „აიპების“ ნაწილი ძალაში სავარაუდოდ 2018 წლიდან შევა. სამსჯელოა კიდევ ეს საკითხი, პარლამენტში როდის შევიდეს. გარკვეული ოპტიმიზაცია „აიპების“ მიმართულებით და დასაქმებული ადამიანების მიმართულებით იქნება, ეს გარდაუვალია.არა მარტო ამ გაერთიანებულებში, სავარაუდოდ, სხვაგანაც“,-აღნიშნა ალავიძემ.

აიპ-არასამეწარმეო იურიდიული პირი წარმოადგენს იურიდიული პირის განსაკუთრებულ ფორმას. ა(ა)იპ-ის სხვა იურიდიული პირებისაგან განმასხვავებელი ძირითადი ნიშანი, კერძო სამართლის თვალსაზრისით, არის ის, რომ იგი არ არის კომერციული საქმიანობის საწარმოებლად და მატერიალური სარგებლის მიღების მიზნით შექმნილი ორგანიზაცია.

არასამეწარმეო იურიდიული პირი უფლებამოსილია, განახორციელოს ნებისმიერი საქმიანობა, რაც კანონით აკრძალული არ არის, მიუხედავად იმისა, არის თუ არა ეს საქმიანობა მისი სადამფუძნებლო დოკუმენტებით გათვალისწინებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან