საქველმოქმედო ფონდმა „ავერსმა“ და „ავერსის კლინიკამ“   საქართველოს ოლიმპიურ კომიტეტთან დადებული  მემორანდუმი განაახლეს.

მემორანდუმის თანახმად, საქველმოქმედო ფონდი „ავერსი“ იღებს ვალდებულებას, საქართველოს ეროვნული ოლიმპიური ნაკრების წევრებს და ვეტერან სპორტსმენებს უფასოდ გაუწიოს სამედიცინო მომსახურება „ავერსის“ კლინიკათა ქსელში და უფასოდ უზრუნველყოს მკურნალობისთვის საჭირო ყველა მედიკამენტით.

 „დღეს  ოლიმპიურ კომიტეტსა და კომპანია „ავერსს“ შორის  გაფორმდა და  გახანგრძლივდა მემორანდუმის მოქმედება. მემორანდუმი უკვე მრავალი წელია არსებობს, გულისხმობს ყველა ვეტერანი და მოქმედი სპორტსმენის უფასო სამედიცინო მომსახურებას, ასევე ექიმების მიერ დანიშნული ნებისმიერი წამლის უფასოდ გადაცემას. ჩვენ ძალიან გვიხარია და ვამაყობთ, რომ „ავერსი“ აქვს იმის საშუალება, რომ ქართველ სპორტსმენებს გაუწიოს ასეთი დახმარება. ვინაიდან სპორტსმენების წარმატებული შედეგები არის ერთ-ერთი ყველაზე მნიშვნელოვანი საშუალება ჩვენი ქვეყნის წინსვლისათვის და ცნობადობის გაზრდისთვის მთელ მსოფლიოში“,-განაცხადა „ავერსის“ დამფუძნებელმა პაატა კურტანიძემ. 

აღსანიშნავია, რომ  მემორანდუმი პირველად 2009 წლის 19 თებერვალს გაფორმდა. დღემდე ეროვნული ოლიმპიური კომიტეტის სპორტსმენებმა ისარგებლეს 843 598 ლარის ღირებულების სამედიცინო მომსახურებით და მიიღეს 372 211 ლარის ღირებულების მედიკამენტები. ჯამური თანხა შეადგენს 1 215 809 ლარს.

მემორანდუმის თანახმად, სპორტსმენების ჯანმრთელობაზე ზრუნვა კომპანია „ავერსის“ პრიორიტეტი იქნება.

ღონისძიებას საქართველოს ეროვნული ოლიმპიური კომიტეტის პრეზიდენტი ლერი ხაბელოვი, ეროვნული ოლიმპიური კომიტეტის პირველი ვიცე პრეზიდენტი ელგუჯა ბერიშვილი, საქართველოს ეროვნული ოლიმპიური კომიტეტის ვიცე პრეზიდენტი ნინო სალუქვაძე, კომპანია „ავერსის“ დამფუძნებელი პაატა კურტანიძე, „ავერსის“ კლინიკათა ქსელის გენერალური დირექტორი დიმიტრი ჯორბენაძე, საქველმოქმედო ფონდ „ავერსის“ დირექტორი ქეთევან ნემსაძე, ოლიმპიური ჩემპიონები და პრიზიორები დაესწრნენ.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა

ავტოსაგზაო შემთხვევას მოტომრბოლელი, საქართველოს ორგზის ჩემპიონი დავით რობანიშვილი ემსხვერპლა

ალექსანდრ ვუჩიჩმა სერბეთის პრეზიდენტის პოსტი დატოვა

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი