2017-05-21 16:22:38, 1756 ნახვა
საზოგადოება
სინოპტიკოსები მომდევნო დღეებშიც ნალექიან ამინდებს პროგნოზირებენ
საქართველოს ტერიტორიაზე ნალექიანი ამინდები კიდევ რამდენიმე დღის განმავლობაში შენარჩუნდება. გარემოს ეროვნული სააგენტოს ინფორმაციით, აღმოსავლეთ საქართველოს ბარში 24 მაისის ჩათვლით ნალექიან ამინდებს ვარაუდობენ, შესაძლებელია სეტყვაც. ჰაერის ტემპერატურა +25- +21 გრადუსი იქნება. აღმოსავლეთ საქართველოს მთიან და მაღალმთიან რაიონებში შედარებით ძლიერი წვიმა და სეტყვაა მოსალოდნელი.
22 მაისს დედაქალაქ თბილისში იქნება ხანმოკლე წვიმა ელჭექით, ჰაერი +24 გრადუსამდე გათბება, ასევე წვიმას პროგნოზირებენ 23-24 მაისსაც.
რაც შეეხება დასავლეთ საქართველოს, დასავლეთ საქართველოს ბარში 24 მაისის ჩათვლით, უმეტეს რაიონში ხანომკლე, ზოგგან კი ძლიერ წვიმას ვარაუოდბენ. ტემპერატურა 22 მაისს +26 გრადუსი იქნება, 23 მაისს +20, ხოლო 24 მაისს +18 გრადუსი სითბო მოსალოდნელი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
