ოკუპირებული აფხაზეთის დე-ფაქტო ეკონომიკის მინისტრმა ადგურ არძინბამ საქართველოს ხელისუფლებას საქმიან და პრაგმატულ პოლიტიკაზე გადასვლა ურჩია, - ამის შესახებ „სპუტნიკ-აბხაზია“ იუწყება.

ე.წ. მინისტრის თქმით, საქართველომ პოპულიზმს თავი უნდა დაანებოს.

მისივე შეფასებით, საქართველოს შინაგან საქმეთა სამინისტროს მიმართვა, ონლაინ-სერვის Booking.com-ის ხელმძღვანელობას „წვრილმანი ხულიგნობაა“.

„საქართველოს შინაგან საქმეთა სამინისტრომ უკმაყოფილება გამოთქვა, იმასთან დაკავშირებით, რომ Booking.com-ის  სარეგისტრაციო ველში აფხაზეთი ცალკე სახელმწიფოდ ფიქსირდება. ჩვენ უწყების შეფასებას ვიღებთ, როგორც წვრილმან ხულიგნობას, რომელიც არაფერ კარგს არ მოიტანს. ეს თვითონ საქართველოს დისკრედიტაციას ახდენს, აჩვენებს მის სისუსტეს და არათავდაჯერებულობას. ეს ყველაფერი აფხაზეთის ეკონომიკაზე არანაირ გავლენას არ იქონიებს. აფხაზეთის ტურიზმი ორიენტირებულია, რუსეთის ფედერაციის მოსახლეობაზე და ნაწილობრივ დსთ-ს ქვეყნების მკვიდრებზე“, - აღნიშნა დე-ფაქტო მინისტრმა.

ამასთან, არძინბამ აღნიშნა, რომ საქართველოს ხელისუფლება ყოველთვის ცდილობს აფხაზეთს საერთაშორისო ურთიერთობების დარეგულირების პროცესში ხელი შეუშალოს, განსაკუთრებით კი ეკონომიკურ, სპორტულ და კულტურულ სფეროებში.

„ჩვენ ყურადღებით თვალყურს ვადევნებთ ყველაფერს და ეს ჩვენ არ გვახარებს. ქართულმა მხარემ არ უნდა დაივიწყოს, რომ ჩვენ ტერიტორიაზე ათობით ათასი ქართველი ცხოვრობს და ისინი ყველა სოციალური პირობით არიან უზრუნველყოფილნი, ჩვენი ქვეყნის ფარგლებში. საუბარია სოციალურ და საპენსიო თანხებზე. ყოველწლიურად სახელმწიფო საზღვარს კვეთს 4 ათასი ადამიანი. ეს ადამიანები ქართველები არიან, რომლებიც ჯერ კიდევ 1999 წელს აფხაზეთის ტერიტორიაზე ცალმხრივ ფორმატში დააბრუნეს. ეს პოლიტიკური გადაწყვეტილება იყო და იმ დროისთვის სწორი“, - დასძინა ე.წ. ეკონომიკის მინისტრმა.

ადგურ არძინბამ ასევე დე-ფაქტო პრეზიდენტის რაულ ხაჟიმბას სიტყვები გაიხსენა: „ქართულმა მხარემ უნდა გაიგოს, რომ პროცესი შეუქცევადია და წარსულში დაბრუნება შეუძლებელია“.

ე.წ. ეკონომიკის მინისტრის თქმით, ოკუპირებული აფხაზეთი უკვე 25 წლის განმავლობაში „დამოუკიდებელი სახელმწიფოა“. მან ქართველ კოლეგებს ურჩია, „იაფფასიან და პოპულისტურ პოლიტიკას“ თავი დაანებონ, რომელსაც საქართველოს ხელისუფლება მოსახლეობის სურვილების დასაკმაყოფილებლად იყენებს.

„დროა საქმიან და პრაგმატულ პოზიციას დაუბრუნდნენ“, - აღნიშნა არძინბამ.

შეგახსენებთ, რომ ვებ-გვერდი Booking.com, რომელიც ინტერნეტ-მომხმარებელს მთელი მსოფლიოს მასშტაბით სასტუმროებში ნომრების დაჯავშნის სერვისს სთავაზობს, ოკუპირებულ აფხაზეთს რიგ შემთხვევებში ცალკე „სახელმწიფოდ“ მოიხსენიებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება