2017-05-10 11:35:36, 1639 ნახვა
საზოგადოება
საქართველოს ტერიტორიაზე დღის მეორე ნახევარში წვიმა და ელჭექია მოსალოდნელი
გარემოს ეროვნული სააგენტოს ინფორმაციით, 10 მაისს დღის მეორე ნახევრიდან 12 მაისამდე საქართველოში მოსალოდნელია წვიმა და ელჭექი, ზოგან ძლიერი, აღმოსავლეთ საქართველოში ზოგან შესაძლებელია სეტყვა.
11 მაისს ჰაერის ტემპერატურა დასავლეთ საქართველოში +13, +18, აღმოსავლეთ საქართველოში +16, +21 გრადუსამდე დაიკლებს, ზოგან იქროლებს დასავლეთის მიმართულების ძლიერი ქარი.
12 მაისს დღისით ქვეყნის ტერიტორიის უმეტეს ნაწილზე გამოიდარებს და 15 მაისამდე ხანმოკლე წვიმა მოსალოდნელია მხოლოდ ცალკეულ რაიონში. 13 - 14 მაისს ჰაერის ტემპერატურა დასავლეთ საქართველოში +25, +30, აღმოსავლეთ საქართველოში +23, +28 გრადუსამდე მოიმატებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
