მოსკოვის ყოფილი მერი იური ლუჟკოვი, რომელმაც ოკუპაციის შესახებ კანონი არაერთხელ დაარღვია, საქართველოში იმყოფება.

ინფორმაციას სოციალურ ქსელში მამა სერაფიმე ავრცელებს.

"დღეს ჩემთან სტუმრად მოვიდნენ იური ლუჟკოვი, ლეონიდ ბოჩინი და ელენე ბატურინა მეგობრებთან ერთად. მშვენივრად გავატარეთ კვირა დღე. ვადიდეთ უფალი და მადლობა ღმერთს, ყველაფერი მშვენივრად იყო. მშვენიერი იყო ის, რომ ჩვენთან მოვიდნენ პატარები თბილისის 205-ე საბავშვო ბაღიდან", - წერს მამა სერაფიმე.

იური ლუჟკოვი მოსკოვის მერის თანამდებობას 1992-2010 წლებში იკავებდა. იგი ცხინვალსა და სოხუმში ვიზიტების გამო, ოფიციალურმა თბილისმა არაერთხელ გააკრიტიკა.

ლუჟკოვი 2009 წელს ჯერ სოხუმში, შემდეგ კი ცხინვალში იმყოფებოდა. „ოკუპირებული ტერიტორიების შესახებ“ კანონი უცხო ქვეყნის მოქალაქეებისათვის ოკუპირებულ ტერიტორიებზე შესვლას უშვებს: აფხაზეთის ავტონომიური რესპუბლიკის ტერიტორიებზე – ზუგდიდის მუნიციპალიტეტის მიმართულებიდან; ცხინვალის რეგიონში - გორის მუნიციპალიტეტის მიმართულებიდან.

ყველა სხვა მიმართულებიდან ოკუპირებულ ტერიტორიებზე შესვლა უცხო ქვეყნის მოქალაქეებისათვის და მოქალაქეობის არმქონე პირებისათვის აკრძალულია და საქართველოს სისხლის სამართლის კოდექსით ისჯება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება