2017-05-04 13:25:06, 1669 ნახვა
საზოგადოება
რჩეულიშვილი: დაახლოებით 10 დღეში დაიდება ხელშეკრულება, რომელზეც საპროცესო შეთანხმების პირობებია დამოკიდებული
"ცენტრ პოინტის" საქმის, კერძოდ "მაგნოლიის" ეპიზოდზე ბრალდებულ გურამ რჩეულიშვილის განცხადებით, არსებობს ინვესტორი, რომელიც მშენებლობების გაგრძელებითაა დაინტერესებული.
ამასთან, რჩეულიშვილის ინფორმაციით, ხელშეკრულება დაახლოებით 10 დღეში გაფორმდება.
გურამ რჩეულიშვილი ინვესტორის სახელს არ ასახელებს.
"ბოლო დეტალია დარჩენილი. დაახლოებით 10 დღეში, ერთი ხელშეკრულების დადებაზეა დამოკიდებული შემდგომ საპროცესოს გაფორმება", - განაცხადა გურამ რჩეულიშვილმა.
დღევანდელ სასამართლო პროცესზე დაცვის სამი მოწმე დაიკითხა, რომლებმაც განაცხადეს, რომ ისინი პროკურატურამ დაზარალებულთა სიაში შეიყვანა, თუმცა თავად თავს დაზარალებულებად არ მიიჩნევენ. ცხდომას მაია რჩეულიშვილი არ ესწრებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
