2017-04-28 17:25:26, 1720 ნახვა
საზოგადოება
ნაძალადევის რაიონში ხეების სხვლა-ფორმირება გრძელდება
ნაძალადევის რაიონში დაზიანებული, ხმელი ხეების მოჭრა და სხვლა-ფორმირება აქტიურად მიმდინარეობს.
მერიის ინფორმაციით, 2017 წლის თებერვლიდან დღემდე შესაბამისი სამუშაოები 120 მისამართზე განხორციელდა. ასევე, მოსახლეობასთან შეთანხმებით, გამხმარი ხეების მოჭრის შემდეგ ხდება კუნძების დამუშავება-გატანა.
მოქალაქეების მოთხოვნის საფუძველზე, ნაძალადევის რაიონის გამგეობამ კონტრაქტორ კომპანიას კიდევ 50 ახალ მისამართზე მისცა დავალება, სადაც სამუშაოები მაისის ბოლომდე შესრულდება. ხმელი ხეების მოჭრის და სხვლა-ფორმირების შემდეგ შეშა, გამგეობის ორგანიზებით, სოციალურად დაუცველ მოსახლეობას ურიგდება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
