2017-04-27 13:59:14, 1732 ნახვა
საზოგადოება
გურჯაანში მანქანის დაჯახების შედეგად სკოლაში მიმავალი გოგონა დაიღუპა
გურჯაანის სოფელ ჯიმითში სკოლაში მიმავალ მეოთხე კლასელ გოგონას ავტომანქანა დაეჯახა.
გოგონა ადილობრივ საავადმყოფოში გადაიყვანეს, თუმცა მისი გადარჩენა ვერ მოხერხდა.
რეგიონული სასწრაფო დახმარების ცენტრის ინფორმაციით, მათი ბრიგადა შემთხვევის ადგილზე გამოძახებიდან ოთხ წუთში მივიდა.
მათივე ინფორმაციით, ბავშვს მრავლობითი დაზიანებები აღენიშნებოდა და ის საავადმყოფოში გადაყვანის დროს გარდაიცვალა.
როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სსკ-ის 276-ე მუხლის მე-5 ნაწილით მიმდინაროებს, რაც ავტოსატრანსპორტო საშუალების ექსპლუატაციისა და უსაფრთხოების წესების დარღვევას ითვალისწინებს, რამაც ერთი ან მეტი ადამიანის სიცოცხლის მოსპობა გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
