თიბისი სტატუსის მხარდაჭერით, თიბისი გალერეაში თანამედროვე არტისტის, ზურაბ არაბიძის ნამუშევრების გამოფენა გაიმართა.

პროექტი, რომელიც ჟურნალ „ამარტასთან" ერთად მომზადდა, ზურაბ არაბიძის ნამუშევრების ერთ-ერთი სერიის, F63.9-ის სამოსზე გადატანას გულისხმობს.  F63.9 არის სიყვარულის  თემაზე  შექმნილი პროექტი, თითოეულ ნამუშევარზე ერთი და იგივე ფრაზა  მანტრას პრინციპით მეორდება და მიზნად ისახავს ადამიანების დამუხტვას მხოლოდ დადებითი ემოციებით. ეს ფრაზებია:

„მე შენ მიყვარხარ"

„ჩამეხუტე"

„მე ყველაზე ლამაზი ვარ"

„ჩემში სიყვარულია"

„მოდი ჩემთან, შენთან მინდა"

„სიყვარული არის, სიყვარული მოვა"

ჟურნალ  „ამარტასთვის"   ამ თემაზე შექმნილი ტანსაცმლის კოლექციის ფოტოსესია გაიმართა. სამოსის თითოეული მოდელის მთლიანი ქსოვილი დაპრინტულია ერთი რომელიმე ფრაზით, ტანსაცმელი მარტივი გეომეტრიული ფიგურებითაა შექმნილი.   კოლექციისთვის ფოტოსესია სარკის ოთახში მოეწყო, ოთხივე მხრიდან დამონტაჟებული სარკე ობიექტის ანარეკლს უსასრულოს ხდის, რითაც ეფექტი კიდევ უფრო ძლიერდება.  ტანსაცმლის კოლექცია ეკუთვნის ახალ ბრენდს „404", რომელიც ზურაბ არაბიძემ დაარსა.

 ზურაბ არაბიძემ ქართული შრიფტის პოპულარიცაზია 2015 წელს ბათუმში გამართულ Grafikart Festival - ზე დაიწყო, რომლის ფარგლებშიც მან მოხატა კედელი მხოლოდ ერთი ფრაზით „მე შენ მიყვარხარ". 

მსგავსი პროექტი ქუთაისშიც განხორციელდა.

ზურაბ არაბიძის პროექტი  F63.9  2016 წლის აპრილში გამოფენილი იყო დ.შევარდნაძის სახელობის თბილისის ეროვნულ გალერეაში. პროექტიდან ორი ნამუშევარი მოხვდა კრებულში „ქართული ანბანის სამი სახეობის ცოცხალი კულტურა".

 სამოსზე გადატანილი ქართული ფრაზებით, ახალგაზრდა ხელოვანი ეხმაურება პროექტს #წერექართულად, ახლა უკვე ქართული ანბანის პოპულარიზაციას მოდის სფეროც უერთდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა