საარჩევნო სიის დახვეწის მიზნით პირადობის მოწმობების უფასოდ გაცემის მორიგი აქცია დასრულდა.

პირადობის მოწმობების უფასოდ გაცემის მორიგი აქციით 28 906 ადამიანმა ისარგებლა. აქცია 10 აპრილს დაიწყო და 29 აპრილამდე გაგრძელდა. ახალი პირადობის მოწმობის მიღება 18 წლის ასაკიდან პირებს შეეძლოთ, რომლებიც არ ფლობდნენ ახალ პირადობის მოწმობებს.

აქციის მიზანი ზუსტი საარჩევნო სიის ფორმირება იყო. აღსანიშნავია, რომ რაც უფრო მეტი მოქალაქე ფლობს ბიომეტრიულ დოკუმენტს, მით უფრო დაცულია პრინციპი − „ერთი ამომრჩეველი − ერთი ხმა!“ სწორედ ამ მიზნით იუსტიციის სამინისტრომ ბოლო 4 წლის განმავლობაში 24 აქცია გამოაცხადა. შედეგად, 1 200 000-ზე მეტმა მოქალაქემ პირადობის მოწმობა უფასოდ ან შეღავათიანი ფასით მიიღო. 2016 წლის საპარლამენტო არჩევნებისთვის საქართველოს დამოუკიდებლობის შემდეგ ყველაზე ზუსტი საარჩევნო სია ჰქონდა.

დღეის მდგომარეობით, საქართველოს 2,5 მილიონამდე მოქალაქე პირადობის ელექტრონულ მოწმობას ფლობს, ხოლო დამატებით 400 000-მდე მოქალაქე − საქართველოს მოქალაქის ბიომეტრიულ პასპორტს, რაც სამოქალაქო რეესტრის ბაზებში 3 მილიონამდე ზუსტი და უტყუარი მონაცემის არსებობას ნიშნავს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს