საზოგადოებრივი მაუწყებლის გენერალური დირექტორთის ვასილ მაღლაფერიძის განცხადებით, ტელევიზიის საინფორმაციო სამსახურში 20 თანამშრომელს მოემატა ხელფასი და ეს პროცესი გაგრძელდება.

როგორც ვასილ მაღლაფერიძემ სამეურვეო საბჭოს წევრებთან შეხვედრაზე განაცხადა, საზოგადოებრივ მაუწყებელში დაინერგება საპრემიო სისტემა. 

„რაც შეეხება ხელფასების მომატებას, ესეც ჩვენი პოლიტიკის ნაწილია. 20 ადამიანს მოემატა ხელფასი და ეს პროცესი გაგრძელდება. დაინერგა პრემირების სისტემა, ძირითადად ეს იქნება გამოყენებული ნიუსრუმში. თუმცა, გარკვეული მიზანშეწონილობიდან გამომდინარე, პრემირების სისტემას აუცილებლად გამოვიყენებთ სხვადასხვა ბლოკებშიც, მათ შორის ტექნიკურ ბლოკში“, - განაცხადა ვასილ მაღლაფერიძემ. 

მაღლაფერიძის თქმით, ნიუსრუმის ნაწილია მაუწყებლის ონლაინ მედია, კონკრეტულად კი, ახალი ვებპლატფორმა, რომელიც ივნისში გააქტიურდება. 

„ბუნებრივია, ონლაინ მედიასაც სჭირდება თანამშრომლები. მიმდინარე წლის მაისისთვის დასრულდება ნიუსრუმის დაკომპლექტება. ვარჩევთ ადამიანებს, ამჟამად მიმდინარეობს გასაუბრება. თანამშრომლების შერჩევის ჩვენეული კრიტერიუმები არის უფრო მკაცრი, ვიდრე იქნებოდა რომელიმე საატესტაციო კომისიის“, - განაცხადა მაღლაფერიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო