თბილისში, სასტუმრო „ქორთიარდ მარიოტთან“, სადაც საქართველოსა და უნგრეთის პრემიერ-მინისტრები იმყოფებიან, ორი ურთიერთსაწინააღმდეგო აქცია მიმდინარეობს.

„აუდიტორია 115“ და სხვა სტუდენტური ორგანიზაციები უნგრეთის პრემიერის ვიქტორ ორბანის მიერ ევროპის ცენტრალური უნივერსიტეტის დახურვას აპროტესტებენ. ისინი აცხადებენ, რომ პრემიერის ეს გადაწყვეტილება არადემოკრატიულია და მას დიქტატორულ ნაბიჯს უწოდებენ.

ამასთან, „ქორთიარდ მერიოტთან“ ანტილიბერალები და ანტისოროსელები კონტრაქციას მართავენ. ისინი უნგრეთის პრემიერის გადაწყვეტილებას მიესალმებიან და აცხადებენ, რომ ცენტრალური ევროპის უნივერსიტეტი სოროსის მორიგი პროექტი, რომელიც „ეროვნულობის განადგურებას“ ემსახურება.

ადგილზე მათსა და ერთ-ერთი სტუდენტური ორგანიზაციის წარმომადგენლებს შორის მცირე სიტყვიერი შელაპარაკებაც მოხდა, თუმცა სამართალდამცველებმა ვითარება მალევე განმუხტეს.

საქართველოს და უნგრეთის პრემიერ-მინისტრები ფორუმზე ცოტა ხნის წინ მივიდნენ. ვიქტორ ორბანს სტუდენტები შეძახილებით დახვდნენ, კონტრაქციის წარმომადგენლები კი, აპლოდისმენტებით.

ამ დროისთვის მშვიდი ვითარებაა. მობილიზებულია საპატრულო პოლიცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!