დიდუბის ბაზრის მოვაჭრეები თბილისის მერიის შენობაში შესვლას ცდილობენ. სამართალდამცველები და მერიის დაცვის სამსახურის თანამშრომლები ამის საშუალებას მოვაჭრეებს არ აძლევენ. 

მოვაჭრეები შენობაში მყოფ ადამიანებს გარეთ გამოსვლის საშუალებას არ აძლევენ.

„თუ ჩვენ არ გვიშვებენ შიგნით, მაშინ ვერავინ გამოვა გარეთ“, - აცხადებენ აქციის მონაწილეები. 

პარტია "თავისუფალი საქართველოს" თავმჯდომარის, კახა კუკავას თქმით, საპატრულო პოლიცია სისხლის სამართლის კოდექსის 33-ე მუხლს არღვევს, რაც სამსახურეობრივი იფლებამოსილების გადამეტებას გულისხმობს.

მისივე განმარტებით, პოლიციას შენობის ბლოკირების უფლება  არ აქვს. კუკავას თქმით, ისინი ტელეფონით საკრებულოს დეპუტატებსა და სახალხო დამცველის აპარატს დაუკავშირდებიან, რომ მათი წარმომადგენლები მერიასთან მოვიდნენ. შენობასთან საპატრულო პოლიციის რაოდენობა გაძლიერებულია.

მოვაჭრეების განცხადებით, დიდუბის რაიონში მდებარე ორ ბაზარსა და ორი შპს-ს ერთმანეთში აქვთ დავა და ამით მოვაჭრეები ზარალდებიან. 

მათივე თქმით,  ერთ-ერთი შპს-ს  მფლობელმა ორ ბაზარს შორის კედელი ააშენა, რამაც დიდუბის ბაზარი ორ ნაწილად გაყო. როგორც მოვაჭრეები აცხადებენ, კედლის აშენების შემდეგ მათ აღარ ეძლევათ პროდუქტის რეალიზაციის საშუალება და ასევე ირღვევა უსაფრთხოების ნორმები.

მოვაჭრეებმა ზედამხედველობის სამსახურს საჩივრით უკვე მიმართეს. როგორც მოვაჭრეები განმარტავენ, მერიამ კედლის დემონტაჟის ბრძანება გასცა, თუმცა რეაგირება ჯერ კიდევ არ მომხდარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!