დღეიდან „თბილსერვის ჯგუფის“ ზედამხედველობის სამსახურის ქვეითი ინსპექტორები ფიზიკურ და იურიდიულ პირებს საყოფაცხოვრებო თუ სხვა სახის  ნარჩენების დაყრისთვის დააჯარიმებენ.

ზედამხვედველობის სამსახურის ქვეითი ინსპექტორები ქუჩების დაბინძურების კონტროლს 3 აპრილიდან აწარმოებენ, თუმცა პირველი ორი კვირის განმავლობაში, მათ გამოჩენას მხოლოდ ინფორმაციული სახე ჰქონდა. ქვეითი ინსპექტორები მოქალაქეებს მომავალ სანქციებთან დაკავშირებით აფრთხილებდნენ და მათ მიერ დაყრილი ნარჩენის ურნაში ჩაყრისკენ მოუწოდებდნენ.

თბილისში გარემოს დანაგვიანებისთვის ჯარიმები 50 ლარიდან 1000 ლარამდე იქნება. კერძოდ კი: 2 კგ-მდე ნარჩენით გარემოს დანაგვიანება - 80 ლარით, იგივე ქმედება ჩადენილი შენობა-ნაგებობიდან - 100 ლარით დაჯარიმდება. 2 კგ-ზე მეტი ნარჩენით გარემოს დანაგვიანება - 150 ლარით, იგივე ქმედება ჩადენილი შენობა-ნაგებობიდან - 500 ლარის ჯარიმას გულისხმობს.

ძაღლის ან სხვა შინაური ცხოველის მცირე ოდენობის ფეკალური მასით ტერიტორიის დაბინძურება - 50 ლარით დაჯარიმდება. თუმცა, მეპატრონეს პასუხისმგებლობა არ დაეკისრება იმ შემთხვევაში, თუ ის დაბინძურებულ ტერიტორიას დაუყონებლივ და სრულად მოასუფთავებს.

5 ერთეულამდე საბურავით გარემოს დანაგვიანება (ველოსიპედის საბურავის გარდა) - 150 ლარით დაჯარიმებას გულისხმობს. 5 ერთეული ან 5 ერთეულზე მეტი საბურავით გარემოს დანაგვიანება (ველოსიპედის საბურავის გარდა) - 500 ლარის ძარიმას გულისხმობს.

აღსანიშნავია, რომ ჯარიმები სახიფათო ნარჩენებით გარემოს დაბინძურებასაც ან ნარჩენების შეგროვებას კონტეინერის გარეშეც მოიცავს. კონკრეტულად კი:  ფიზიკური პირი - 400 ლარით დაჯარიმდება, იურიდიული პირი -1000 ლარით.

ცნობისთვის, „თბილსერვის ჯგუფის“ ინფორმაციით, დედაქალაქის მასშტაბით 20 ქვეითი ინსპექტორი იმუშავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!