საქართველოს საგარეო საქმეთა მინისტრის მიხეილ ჯანელიძის განცხადებით, ირანთან ორმხრივი ვაჭრობა 50%-ით გაიზარდა.

როგორც ჯანელიძემ ირანელ კოლეგასთან შეხვედრის შემდეგ ერთობვლივ კონფერენციაზე განაცხადა, ირანში საქართველოსთვის ხელსაყრელ ბიზნეს საინვესტიციო კლიმატია.

„თუნდაც, ის ფაქტი, რომ ბოლო ერთი წლის განმავლობაში დაფიქსირდა ირანული ინვესტიციების 90%-იანი ზრდა. ამასთან, გასულ წელს საფუძველი ჩაეყარა სუფსის ნავთობგადამამუშავებელ საწარმოს პროექტს, რომლის ჯამური ინვესტიცია 1.5 მილიარდია და მხარეები აქტიურად მუშაობენ პროექტის განხორციელებაზე“, - აღნიშნა ჯანელიძემ. 

ამასთან, მინისტრის შეფასებით, ურთიერთობის ერთ-ერთ მთავარ მიმართულებას ტურისტების მზარდი დინამიკა წარმოადგენს.

„2016 წელს ირანელი ტურისტების რაოდენობა საქართველოში 5-ჯერ გაიზარდა და ეს ტენდენცია გრძელდება. ტურიზმის სფეროში თანამშრომლობა ხელს შეუწყობს საქართველოსა და ირანს შორის პირდაპირ ავიაფრენებს“, - განაცხადა მიხეილ ჯანელიძემ.

მიხეილ ჯანელიძემ ირანელ კოლეგას საქართველოს ტერიტორიული მთლიანობისა და სუვერენიტეტის მხარდაჭერისთვის მადლობა გადაუხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!