სახალხო არტისტის კახი კავსაძის განცხადებით, მსახიობ გივი ბერიკაშვილის გარდაცვალება უზარმაზარ სევდას მოიცავს.

როგორც კავსაძემ ჟურნალისტებს განუცხადა, ეს დიდი დანაკლისია მთელი საქართველოსთვის.

"ძალიან დიდი კაცი, ძალიან მოყვასი კაცი, მართალი კაცი, ნიჭიერი კაცი, ქართველი კაცი წავიდა ამ ქვეყნიდან. სევდა არის უზარმაზარი. თუ ასე ვიცხოვრებთ, როგორც მან იცხოვრა, მემგონი კარგი და სწორი იქნება. გვეშველება რამე?! თუ ბერიკაშვილისნაირები ვიქნებით, გვეშველება", - აღნიშნა კავსაძემ.

ცნობისთვის, მარჯანიშვილის თეატრში სახალხო არტისტის გივი ბერიკაშვილის სამოქალაქო პანაშვიდი უკვე დასრულდა. მსახიობი ამაღლების ეკლესიის ეზოში  გადაასვენეს, სადაც დაკრძალავენ.

ქართველ მსახიობს პატივი ქვეყნის პრეზიდენტმა გიორგი მარგველაშვილმა, მთავრობის წევრებმა, პარლამენტის წარმომადგენლებმა, ოპოზიციამ, ყოფილმა პრემიერ-მინისტრებმა ბიძინა ივანიშვილმა და ირაკლი ღარიბაშვილმა, საქართველოს მოქალაქეებმა მიაგეს.

შეგახსენებთ, რომ სახალხო არტისტი გივი ბერიკაშვილი 10 აპრილს ფილტვების ანთებით გარდაიცვალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა ივლისში უკრაინის მიმართულებით რეკორდული რაოდენობის რაკეტები ისროლა

ივლისში რუსეთის არმიის დანაკარგებმა მთელი ომის რეკორდულ მაჩვენებელს მიაღწია

საქართველოში დაიწყო სამუშაოები ანაკლიის ღრმაწყლოვანი პორტის მშენებლობაზე, რომელიც შუა დერეფნის კვანძია

კობახიძე – ოპოზიცია მთლიანად მოშლილია, ჯერ ქართველ ხალხს არ მოსწონდა ეს ოპოზიცია, ახლა უკვე ერთმანეთი აღარ მოსწონთ