მარჯანიშვილის თეატრში გივი ბერიკაშვილს ახლობლები და მეგობრები ემშვიდობებიან

2017-04-13 15:17:28, 1848 ნახვა

საზოგადოება

მარჯანიშვილის თეატრში სახალხო არტისტ გივი ბერიკაშვილს ახლობლები და მეგობრები ემშვიდობებიან.

ისინი სცენაზე სიტყვით გამოდიან და მსახიობთან გამოსამშვიდობებელ სიტყვას წარმოთქვამენ.

პანაშვიდზე სიტყვით გამოვიდა გივი ბერიკაშვილის მეგობარი, სახალხო არტისტი კახი კავსაძე.

კავსაძის თქმით, გივი იყო უდიდესი ადამიანი და ეს საქართველოსთვის ძალიან დიდი დანაკარგია.

“გივი იყო ჩემი ძმა და მე ის ძალიან დამაკლდება. ის იყო უდიდესი ადამიანი, კიდევ უფრო დიდი მსახიობი. მე ის ძალიან დამაკლდება. არამარტო მე, არამედ მთელ საზოგადოებას”– განაცხადა კახი კავსაძემ.

ცნობისთვის, გივი ბერიკაშვილის სამოქალაქო პანაშვიდი თითქმის დასრულდა. გარდაცვლილის ოჯახს კოლეგებმა, მეგობრებმა, პოლიტიკოსებმა და რიგითმა მოქალაქეებმა მიუსამძიმრეს.

გივი ბერიკაშვილს 15:00 საათზე, საბურთალოზე, ამაღლების ეკლესიის ეზოში დაკრძალავენ.

შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან