2017-04-12 15:35:55, 2189 ნახვა
პოლიტიკა საზოგადოება
მარგველაშვილი: პოლიტიკურად ისეთი გამოუცდელი არ ვარ, რომ საარჩევნო კამპანია ვერ დავგეგმო
საქართველოს პრეზიდენტის გიორგი მარგველაშვილის განცხადებით, საკონსტიტუციო კომისია ლეგიტიმურია, მაგრამ პოლიტიკური ლეგიტიმაცია სხვა საკითხია.
„არ ვიცი, მმართველი გუნდი რატომ ეძახის ამასა წინასაარჩევნო კამპანიას, ეს იმათ უნდა ჰკითხოთ. საკუთარ თავზე გავიგე, ტერორიზმს ვუწყობ ხელს და სახელმწიფოს ვანგრევ, რადგან ვთქვი, პრემიერ-მინისტრმა დანიშნოს მოსმენების სააგენტოს ხელმძღვანელი. ცოტა ხნის წინ გავიგე, რომ ვაკონტროლებ სტრასბურგს, რატომ ჩათვალეს ასე, ჩემთვის ძნელი ასახსნელია. ამიტომ მინდა დისკუსია. პოლიტიკურად ისეთი გამოუცდელი არ ვარ, რომ კამპანია ვერ დავგეგმო და ორ წელზე გავწელო. ეს არ არის წინასაარჩევნო კამპანია“, - განაცხადა გიორგი მარგველაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
