თიბისი ბანკი გაზეთ ასავალ–დასავალის ჟურნალისტის დომენტი ჩუბინიძის განცხადებას ეხმაურება.
როგორც ბანკის მიერ გავრცელებულ განცხადებაშია ნათქვამი, მამუკა ხაზარაძეს და კომპანია „ბორჯომის“ წარმომადგენლებს პოლიციელების მკვლელობაში ეჭვმიტანილ შალვა აბულაძესთან კონტაქტი არ ჰქონიათ და საერთოდ არ იცნობენ მას.

„პირველ რიგში, სამძიმარს ვუცხადებთ დაღუპული პოლიციელის ოჯახს !
ამასთან ერთად, გაზეთ ასავალ-დასავალის ჟურნალისტის დომენტი ჩუბინიძის ცილისმწამებლურ განცხადებასთან დაკავშირებით „თიბისი ბანკის“ მრავალათასიანი გუნდის სახელით გვინდა გავაკეთოთ ოფიციალური განცხადება ბოლო პერიოდში მომხდარ მოვლენებზე.
მთელი პასუხისმგებლობით ვაცხადებთ, არც მამუკა ხაზარაძეს და არც კომპანია „ბორჯომის“ წარმომადგენლებს არ ჰქონიათ კონტაქტი პოლიციელების მკვლელობაში ეჭვიმატილ შალვა აბულაძესთან და საერთოდ არ იცნობენ მას. უფრო მეტიც - რამდენიმე წელია მამუკა ხაზარაძე აღარ არის კომპანია „ბორჯომის“ აქციონერი და არ მონაწილეობს მის მართვაში. ამიტომ გაუგებარია ამ კრიმინალის მიერ ორგანიზებული აქცია ბორჯომში რატომ იქნა დაკავშირებული მამუკა ხაზარაძესთან.
შეგახსენებთ, რომ სასამართლო გადაწყვეტილებით გაზეთ „ასავალ-დასავალს“ და მის ჟურნალისტებს უკვე დაეკისრათ საკუთარ გაზეთში გამოქვეყნებული ცრუ-ბრალდებების უარყოფა.  ამის ნაცვლად ისინი კვლავ აქტიურად განაგრძობენ პროვოკატორულ ცილისწამებას!
ყოველივე ეს გვაფიქრებინებს, რომ აღნიშნული კამპანია მიზნად ისახავს ბანკის, მისი დამფუძნებლების და თანამშრომლების დისკრედიტაციას! ასევე, ასავალ-დასავალის ჟურნალისტი დომენტი ჩუბინიძე კრიმინალთან თავისი ახლო კავშირით რეალურად ახალ სამიზნეს უქმნის მკვლელობაში ეჭვმიტანილ და ძებნილ პირს. ეს აღმაშფოთებელი და საგანგაშო ფაქტია!
მოვუწოდებთ შესაბამის ორგანოებს გამოიძიონ ასავალ-დასავალის ჟურნალისტის და კრიმინალური წარსულის მქონე პირების კავშირი, რათა წერტილი დაესვას ასეთ განუკითხაობას და დაუსჯელობას !“, – აღნიშნულია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი