„ეს არის მორიგი დესტრუქციული, პროვოკაციული ნაბიჯი რუსეთის მხრიდან,“- ასე გამოეხმაურა ევროინტეგრაციის მინისტრი ვიქტორ დოლიძე ოკუპირებულ  სამხრეთ ოსეთში დაგეგმილ  პლებისციტს სახელის გადარქმევასთან დაკავშირებით.

მისივე თქმით, ხელისუფლებას ამ ეტაპზე სამწუხაროდ ერთადერთი ბერკეტი გააჩნია და ეს საერთაშორისო თანამეგობრობის დახმარებაა:

„ეს არის აბსოლუტურად დესტრუქციული, პროვოკაციული ნაბიჯი რუსეთის მხრიდან და არაერთხელ შეგვიფასებია ეს. ძალიან მნიშვნელოვნად და ახლოს ვთანამშრომლობთ საერთაშორისო პარტნიორებთან. ორმხრივ და მრავალმხრივ ფორმატებს ვიყენებთ ძალიან ეფექტურად. ვფიქრობ, როგორც ნიუ -იორკში, ასევე ვენაში, თუ ჟენევაში, ბოლოს იგივე ადამიანის უფლებათა კომიტეტის მიერ გაკეთებულ განცხადებებს და ნაბიჯს  რომ გადავავლოთ თვალი, საკმაოდ ეფექტურია ჩვენი თანამშრომლობა. ჩვენ ერთადერთი ბერკეტი გვაქვს სამწუხაროდ ჯერჯერობით და ეს საერთაშორისო თანამეგობრობაა“,-აღნიშნა ვიქტორ დოლიძემ.

ცნობისთვის, ოკუპირებულ სამხრეთ ოსეთში დე ფაქტო საპრეზიდენტო არჩევნებთან  ერთად, 2017 წლის 9 აპრილს, პლებისციტიც ჩატარდება. დე ფაქტო პრეზიდენტის ლეონიდ თიბილოვის სურვილია, სამხრეთ ოსეთს "ისტორიული სახელი" ალანია დაუბრუნდეს. პლებისციტზე ოკუპირებული რეგიონის მცხოვრებლებს ჰკითხავენ- უნდათ თუ არა მათ სამხრეთ ოსეთისთვის სახელის შეცვლა.
ოკუპირებული რეგიონის ლიდერობისთვის ბრძოლას ამ ეტაპზე 3 კანდიდატი გეგმავს - მოქმედი და ყოფილი დე ფაქტო პრეზიდენტები, ლეონიდ თიბილოვი და ედუარდ კოკოითი, დე-ფაქტო პარლამენტის სპიკერი ანატოლი ბიბილოვი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ

საქართველოში მენეჯერების პოზიციაზე ქალების ხელფასი საშუალოდ 2 713 ლარია, ხოლო კაცების — 4 312 ლარი

ელენე ხოშტარია: იკრძალება არა 5, არამედ 7 პარტია